ഹാപ്പി വെഡിങ്, ചങ്ക്സ്, ഒരു അഡാർ ലൗ എന്നീ ചിത്രങ്ങൾക്ക് ശേഷം ഒമർ ലുലു ഒരുക്കുന്ന ധമാക്ക എന്ന ചിത്രത്തിന്റെ പുതിയ സ്റ്റില്ലുകളാണ് പ്രേക്ഷകരിൽ ഏറെ കൗതുകം ഉണർത്തിയിരിക്കുന്നത്. ഉർവശി, നിക്കി ഗൽറാണി എന്നിവർ നിറവയറുമായി ബേബി ഷവർ ആഘോഷിക്കുന്ന ചിത്രങ്ങളാണ് പുറത്ത് വന്നിരിക്കുന്നത്. ഗുഡ് ലൈൻ പ്രൊഡക്‌ഷൻസിന്റെ ബാനറിൽ എം.കെ. നാസറാണ് ഈ ചിത്രം നിർമിക്കുന്നത്. ഡിസംബർ ഇരുപതിനു പുറത്തിറങ്ങുന്ന ചിത്രം ഒരു കോമഡി എന്റർടെയ്നറാണ്‌.
ഒളിമ്പ്യന്‍ അന്തോണി ആദം എന്ന ചിത്രത്തില്‍ മോഹന്‍ലാലിനൊപ്പം ടോണി ഐസക് എന്ന കഥാപാത്രത്തെ മനോഹരമാക്കിയ അരുണാണ് ധമാക്കയില്‍ നായകന്‍. ഹാപ്പി വെഡിങ്, ചങ്ക്സ്,ഒരു അഡാർ ലൗ എന്നീ സൂപ്പർഹിറ്റുകൾക്ക് ശേഷം ഒമർലുലു സംവിധാനം ചെയ്യുന്ന ചിത്രം കൂടിയാണ് ധമാക്ക.നിക്കി ഗൽറാണി ആണ് നായിക. ഹരീഷ് കണാരൻ, ധർമജൻ ബോൾഗാട്ടി, തരികിട സാബു, ശ്രീജിത്ത് രവി എന്നിവർക്കൊപ്പം മുകേഷും ഊർവശിയും സുപ്രധാനമായ കഥാപാത്രങ്ങളെ അവതരിപ്പിക്കുന്നു.
