ബോളിവുഡ് താരം കത്രീന കൈഫും വിക്കി കൗശാലും തമ്മിലുള്ള വിവാഹം ആരാധകർ ഏറെ കൗതുകത്തോടെയാണ് ഏറ്റെടുത്തത്. വാർത്താമാധ്യമങ്ങളിൽ നിറയെ ഇത്രയും ദിവസം വിവാഹമായിരുന്നു ചർച്ചാവിഷയമെങ്കിൽ ഇപ്പോൾ ഇരുവരും സ്വന്തമാക്കിയ വീടാണ് ചർച്ചയായിരിക്കുന്നത്. മുംബൈയിൽ ജുഹു ബീച്ചിന് അഭിമുഖമായുള്ള അത്യാഡംബര അപ്പാർട്ട്മെന്റിലാണ് ദമ്പതികൾ ഇനി താമസിക്കുക.
പ്രതിമാസം എട്ടുലക്ഷം രൂപയാണ് ഈ അപ്പാർട്ട്മെന്റിന്റെ വാടക. 7000 സ്ക്വയർ ഫീറ്റിലാണ് വീട്. ജൂഹുവിലെ രാജ്മഹൽ കെട്ടിടത്തിലെ എട്ടാം നിലയിലാണ് വിക്കി – കാറ്റ് ദമ്പതികളുടെ വീട്. 1.75 കോടി രൂപയാണ് അഡ്വാൻസ് നൽകിയത്. ജൂഹു ബീച്ചിന് അഭിമുഖമായാണ് കെട്ടിടം പണി കഴിപ്പിച്ചിരിക്കുന്നത്.
നാല് ബെഡ് റൂം, വിശാലമായ ലിവിംഗ് റൂം, പ്രത്യേക ഡൈനിംഗ് ഏരിയ, പൂജാ മുറി, ആറ് ബാത്ത് റൂമുകൾ, രണ്ട് സർവന്റ് റൂമുകൾ എന്നിവ അപ്പാർട്ട്മെന്റിൽ ഉൾപ്പെടുന്നു. അതിവിശാലമായ ബാൽക്കണിയും ഫ്ലാറ്റിന്റെ പ്രത്യേകതകളിൽ ഒന്നാണ്. ആകെ 37 നിലകളുള്ള ഈ അപ്പാർട്ട്മെന്റ് സമുച്ചയത്തിൽ ഓരോ നിലയിലും ഓരോ ഫ്ലാറ്റാണ്. അത്യാധുനിക സാങ്കേതികവിദ്യയുടെ സഹായത്തോടെ പ്രവർത്തിക്കുന്ന ജിം, കുട്ടികൾക്കുള്ള കളിസ്ഥലം എന്നിവയും ഉണ്ട്. വിരാട് കോലി – അനുഷ്‌ക ശർമ ദമ്പതികളുടെ ഫ്ലാറ്റും ഇതേ കെട്ടിടത്തിൽ തന്നെയാണ്.
View this post on Instagram
