സൂപ്പർഹിറ്റുകളായ പുലിമുരുകൻ, മധുരരാജ എന്നീ ചിത്രങ്ങൾക്ക് ശേഷം സംവിധായകൻ വൈശാഖിന്റെ പുതിയ ചിത്രമാണ് ‘നൈറ്റ് ഡ്രൈവ്’. റിലീസിന് തയ്യാറെടുക്കുന്ന ചിത്രത്തിന്റെ കാരക്ടർ പോസ്റ്ററുകളാണ് ഇപ്പോൾ അണിയറപ്രവർത്തകർ പുറത്തുവിട്ടിരിക്കുന്നത്. റോഷൻ മാത്യു, അന്ന ബെൻ, ഇന്ദ്രിജിത്ത് എന്നിവരുടെ കഥാപാത്രങ്ങളുടെ കാരക്ടർ പോസ്റ്ററുകളാണ് പുറത്തു വിട്ടിരിക്കുന്നത്.
അഭിലാഷ് പിള്ളയാണ് ചിത്രത്തിന്റെ തിരക്കഥ. കൊച്ചിയിൽ ഒരു രാത്രിയിൽ നടക്കുന്ന കഥയാണ് സിനിമ പറയുന്നത്. ജോയ് മാത്യുവും കൈലാഷും ചിത്രത്തില്‍ പ്രധാന വേഷങ്ങളില്‍ എത്തുന്നു. ചിത്രത്തിന്റെ ഛായാഗ്രഹണം ഷാജി കുമാറും സംഗീതം രഞ്ജിന്‍ രാജുമാണ്. ഒരു ത്രില്ലർ ചിത്രത്തിന്റെ എല്ലാ ചേരുവകളോടും കൂടിയാണ് നൈറ്റ് ഡ്രൈവ് ഒരുങ്ങുന്നത്. ചിത്രത്തിന്റെ ട്രയിലർ ഇതിനകം ശ്രദ്ധിക്കപ്പെട്ടു കഴിഞ്ഞു.
മമ്മൂട്ടിയെ നായകനാക്കി 2019ല്‍ പുറത്തിറങ്ങിയ മധുരരാജയാണ് വൈശാഖ് അവസാനമായി സംവിധാനം ചെയ്ത ചിത്രം. നിലവില്‍ മോഹന്‍ലാലിനൊപ്പം മോണ്‍സ്റ്റര്‍ എന്നൊരു ചിത്രവും ചെയ്യുന്നുണ്ട് സംവിധായകൻ. സീനിയേഴ്സ്, മല്ലു സിങ്, വിശുദ്ധൻ, കസിൻസ്, സൗണ്ട് തോമ, മധുര രാജ എന്നിവയാണ് വൈശാഖിന്റെ മറ്റു ചിത്രങ്ങൾ. പ്രിയ വേണു, നീതാ പിന്റോ എന്നിവരാണ് നൈറ്റ് ഡ്രൈവ് എന്ന ചിത്രം നിർമിച്ചിരിക്കുന്നത്. ഛായാഗ്രഹണം – ഷാജി കുമാർ, എഡിറ്റിംഗ് – സുനിൽ എസ് പിള്ള, സംഗീതം – രഞ്ജിൻ രാജ്. ഒരു രാത്രി നടക്കുന്ന കഥയാണ് ഈ ചിത്രം പ്രേക്ഷകർക്ക് മുന്നിൽ അവതരിപ്പിക്കുന്നത്.
