ദുല്‍ഖര്‍ സല്‍മാന്‍ തനിക്ക് ചെയ്ത വലിയ സഹായത്തെക്കുറിച്ചുള്ള അനുഭവം പങ്കുവെച്ച് നടന്‍ നിര്‍മല്‍ പാലാഴി. 2014ല്‍ അപകടം സംഭവിച്ചപ്പോള്‍ പ്രതീക്ഷിക്കാത്ത ഒരു തുക അക്കൗണ്ടില്‍ ദുല്‍ഖര്‍ സല്‍മാന്റെ വകയായി എത്തിയിരുന്നെന്നും തന്റെ ആരോഗ്യ സ്ഥിതി നേരിട്ട് വിളിച്ച് അന്വേഷിച്ച് കൊണ്ടിരുന്നതായും നിര്‍മല്‍ പാലാഴി സോഷ്യല്‍ മീഡിയയില്‍ കുറിച്ചു. ദുല്‍ഖറിന്റെ പിറന്നാള്‍ ദിനത്തില്‍ താരം ചെയ്ത സഹായത്തെ കുറിച്ചുള്ള ഓര്‍മ്മകള്‍ നിര്‍മ്മല്‍ പാലാഴി പങ്കുവെച്ചത് .
നിര്‍മല്‍ പാലാഴിയുടെ കുറിപ്പ്
സലാല മൊബൈല്‍സ് എന്ന സിനിമയില്‍ ഒരു ചെറിയ സീനില്‍ അഭിനയിച്ചിട്ടുള്ള പരിചയമേ ഉള്ളു. പിന്നെ എപ്പോഴെങ്കിലും കണ്ടാല്‍ ഞാന്‍ അന്ന് കൂടെ അഭിനയിച്ചിരുന്ന ആള്‍ എന്ന് പറഞ്ഞു പരിചയപ്പെടുത്തേണ്ടിവരും എന്നൊക്കെ കരുതി ഒരു ഫോട്ടോ എടുത്ത് പിരിഞ്ഞതായിരുന്നു. പക്ഷെ 2014ല്‍ ആക്‌സിഡന്റ് പറ്റിയപ്പോ പ്രതീക്ഷിക്കാത്ത ഒരു തുക അക്കൗണ്ടില്‍ dq വകയായി എത്തിയിരുന്നു. എഴുന്നേറ്റ് ശരിയാവും വരെ എന്റെ ആരോഗ്യ സ്ഥിതി അലക്‌സ് ഏട്ടന്‍ വഴിയും നേരിട്ട് വിളിച്ചും അന്വേഷിച്ചു കൊണ്ടിരുന്നു. നന്ദിയും സ്‌നേഹവും കടപ്പാടും മാത്രം. ജീവിതത്തില്‍ എല്ലാവിധ ഐശ്വര്യങ്ങളും ഉണ്ടാവട്ടെ എന്ന് പ്രാര്‍ത്ഥിക്കുന്നു.
