തമിഴ് നടന്‍ നിതീഷ് വീര (45) അന്തരിച്ചു. കോവിഡ് ബാധിച്ച് ചികിത്സയില്‍ ആയിരുന്നു. പുതുപേട്ടയ്, കാല, വെണ്ണില കബഡി കുഴു, അസുരന്‍ തുടങ്ങിയ ചിത്രങ്ങളിലെ കഥാപാത്രങ്ങളിലൂടെ ശ്രദ്ധേയനായിരുന്നു. സെല്‍വരാഘവന്‍ ചിത്രം പുതുപേട്ടയിലൂടെയാണ് നിതിഷ് തമിഴകത്ത് അരങ്ങേറ്റം കുറിച്ചത് .
വെട്രിമാരന്‍ ചിത്രം അസുരനിലെ പാണ്ഡിയന്‍ എന്ന വില്ലന്‍ വേഷവും ഏറെ ശ്രദ്ധനേടിയിരുന്നു. വിജയ് സേതുപതി നായകനാക ലാഭം ആണ് നിതിഷ് അവസാനമായി അഭിനയിച്ച ചിത്രം.
താരത്തിന്റെ അപ്രതീക്ഷിത വിയോഗം തമിഴ് സിനിമ ലോകത്തെ ഞെട്ടിച്ചിരിക്കുകയാണ്. നിരവധി പ്രമുഖ താരങ്ങളും സംവിധായകരും ആദരാഞ്ജലികള്‍ അര്‍പ്പിച്ചു. രണ്ടാം കോവിഡ് തരംഗത്തില്‍ തമിഴ് സിനിമയ്ക്ക് നിരവധി താരങ്ങളെയാണ് ഇതിനോടകം നഷ്ടപ്പെട്ടിരിക്കുന്നത്. വിഷ്ണു വിശാല്‍, ശെല്‍വരാഘവന്‍ ഉള്‍പ്പടെ നിരവധി പേരാണ് വേദന പങ്കുവെച്ചത്.
REST IN PEACE MY “MANI ” pic.twitter.com/SwcQLeUPOB
— selvaraghavan (@selvaraghavan) May 17, 2021
