പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ ഒരു ചിത്രം സംവിധാനം ചെയ്യുവാൻ ഒരുങ്ങുന്നു എന്ന വാർത്തകൾ സോഷ്യൽ മീഡിയയിൽ നിറഞ്ഞു നിൽക്കുകയാണ്. ഒരു ഔദ്യോഗിക സ്ഥിരീകരണത്തിനായി കാത്തിരിക്കുകയാണ് പ്രേക്ഷകരും. താൻ പുതിയൊരു ചിത്രം സംവിധാനം ചെയ്യുവാൻ പോവുകയാണെന്നും അത് കൊണ്ട് തന്നെ അഭിനയ രംഗത്ത് നിന്നും മാറി നിൽക്കുവാണെന്നും വിനീത് പറഞ്ഞിരുന്നു. കല്യാണി പ്രിയദര്‍ശനോ കീര്‍ത്തി സുരേഷോ ആകും നായികയായി എത്തുന്നത്.
പ്രണവ് നായകനാകുന്ന പുതിയ ചിത്രത്തിൽ നിവിൻ പോളിയും അഭിനയിക്കുന്നുവെന്നാണ് ഇപ്പോൾ അറിയുവാൻ കഴിയുന്നത്. അടുത്ത വര്‍ഷം ഷൂട്ടിങ് ആരംഭിക്കാനിരിക്കുന്ന ചിത്രത്തില്‍ നിവിനും ഒരു പ്രധാന കഥാപാത്രമായി എത്തും. ചിത്രത്തില്‍ അതിഥിവേഷത്തിലാകും നിവിന്‍ എത്തുക. മോഹന്‍ലാല്‍-പ്രിയദര്‍ശന്‍ ടീമിന്റെ ബ്രഹ്മാണ്ഡ ചിത്രം ‘മരക്കാര്‍: അറബിക്കടലിന്റെ സിംഹം’ ആണ് പ്രണവ് അഭിനയിച്ച പുതിയ ചിത്രം. ‘ലവ് ആക്ഷന്‍ ഡ്രാമ’, ‘മൂത്തോന്‍’ എന്നിവയാണ് നിവിന്റെ റിലീസായ പുതിയ ചിത്രങ്ങള്‍.
