ഈ വർഷത്തെ പത്താം ക്ലാസ് കേരള സിലബസ്, സിബിഎസ്ഇ എന്നിവയുടെ ഫലപ്രഖ്യാപനം ഇന്നലെ നടന്നിരുന്നു. മികച്ച ശതമാനം വിജയമാണ് പത്താം ക്ലാസ്സിൽ കേരളത്തിലെ കുട്ടികളെ തേടിയെത്തിയിരിക്കുന്നത് . ഫുൾ എ പ്ലസ് നേടിയ മിടുക്കന്മാരേയും മിടുക്കികളേയും അനുമോദിക്കാൻ ഉള്ള തിരക്കിലാണ് നാടും നാട്ടുകാരും വീട്ടുകാരും. മലയാള സിനിമയിൽ നിന്നും ഉണ്ട് ഒരു ഫുൾ എ പ്ലസ് കാരി ഫഹദ് ഫാസിൽ നായകനായി എത്തി സത്യൻ അന്തിക്കാട് സംവിധാനം ചെയ്ത ചിത്രമായിരുന്നു ഞാൻ പ്രകാശൻ.
ചിത്രത്തിൽ നായിക അല്ലെങ്കിൽ കൂടിയും നായിക കഥാപാത്രം എന്നു തന്നെ പറയാവുന്ന ഒരു കഥാപാത്രമാണ് ചിത്രത്തിലെ ടീന മോൾ. ടീന മോളെ അവതരിപ്പിച്ച ദേവികാ എസ് ഇത്തവണ പത്താം ക്ലാസ് പരീക്ഷ എഴുതിയ വിദ്യാർഥിനിയായിരുന്നു. കോഴിക്കോട് കേന്ദ്രീയ വിദ്യാലയത്തിൽ പഠിച്ച ഈ സുന്ദരി പഠനത്തോടൊപ്പം സിനിമ മേഖലയിൽ പ്രവേശിക്കുകയായിരുന്നു. സിനിമയിൽ അഭിനയിച്ചെങ്കിലും പഠനത്തിൽ ഒരു തരത്തിലുള്ള ശ്രദ്ധ കുറയ്ക്കുവാനും ഈ സുന്ദരി തയ്യാറായിരുന്നില്ല .അതിനു ഫലമായി ഇത്തവണത്തെ പത്താംക്ലാസ് പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടി ഈ സുന്ദരി നാടിന് അഭിമാനമായി. ദേവികയുടെ തുടർപഠനത്തിന് ആശംസകൾ നൽകുന്നതോടൊപ്പം തന്നെ മലയാള സിനിമയിൽ മികച്ച വേഷങ്ങൾ ചെയ്യുവാനും സാധിക്കട്ടെ എന്നാശംസിക്കുന്നു.
