ബിജെപിയുടെ അപ്രതീക്ഷിതമായ ഹർത്താൽ പ്രഖ്യാപനത്തിലൂടെ നാളെ റിലീസിന് ഒരുങ്ങിയിരുന്ന ഒടിയന്റെ റിലീസ് അനിശ്ചിതത്വത്തിൽ ആയിരുന്നു. എന്നാൽ ഇപ്പോൾ ഇരുളെല്ലാം മാറി വെളിച്ചം നിറഞ്ഞിരിക്കുകയാണ്. ഒടിയൻ നാളെ തന്നെ തീയറ്ററുകളിൽ എത്തുമെന്ന് ചിത്രത്തിന്റെ അണിയറപ്രവർത്തകരിൽ നിന്നും ഒഫീഷ്യൽ ആയിട്ടുള്ള അറിയിപ്പ് വന്നു കഴിഞ്ഞു. മുൻകൂട്ടി നിശ്ചയിച്ചിരുന്നത് പോലെ തന്നെ അതിരാവിലെ 4.30നുള്ള ഫാൻസ് ഷോയോട് കൂടി തന്നെ പ്രദർശനം തുടങ്ങുമെന്നാണ് അറിയിച്ചിരിക്കുന്നത്. ഇത്ര വലിയൊരു റിലീസ് പ്ലാൻ ചെയ്തിട്ട് പെട്ടെന്ന് അത് മാറ്റാൻ സാധിക്കുന്നതല്ല എന്ന് സംവിധായകൻ തന്നെ അറിയിച്ചു കഴിഞ്ഞു. ലാലേട്ടനെ സ്നേഹിക്കുന്ന ഏവരേയും നിരാശയിലാഴ്ത്തിയാണ് ഹർത്താൽ പ്രഖ്യാപിച്ചതെങ്കിലും ഏവർക്കും സന്തോഷം പകരുന്ന വാർത്ത തന്നെയാണ് ചിത്രം തീയറ്ററുകളിൽ എത്തുമെന്നത്. ഒടിയന്റെ ഒടിവിദ്യകൾക്ക് തുടക്കം കുറിക്കാൻ ഇനി വെറും മണിക്കൂറുകൾ മാത്രം.
