ഇനി വെറും ഏഴ് ദിനങ്ങൾ കൂടി മാത്രമാണ് കാത്തിരിപ്പുകൾക്ക് വിരാമമിട്ട് ഒടിയൻ തീയറ്ററുകളിൽ എത്തുവാൻ. ലാലേട്ടനെ നായകനാക്കി വി ഏ ശ്രീകുമാർ സംവിധാനവും ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമാണവും നിർവഹിക്കുന്ന ചിത്രം ഡിസംബർ 14ന് കേരളക്കര കണ്ടിട്ടുള്ള ഏറ്റവും വലിയ റിലീസിനാണ് ഒരുങ്ങുന്നത്. ഇതിനകം തന്നെ നാനൂറോളം ഫാൻസ്‌ ഷോകൾ ഉറപ്പിച്ചു കഴിഞ്ഞ ചിത്രത്തിന് എന്തായാലും അഞ്ഞൂറിലധികം തീയറ്ററുകൾ കേരളത്തിൽ പ്രദർശനത്തിന് ലഭിക്കും എന്നുറപ്പാണ്. 2.0യുടെ 458 തീയറ്ററുകളിലെ റിലീസ് എന്ന റെക്കോർഡ് തീർച്ചയായും ഒടിയൻ തകർക്കും.
ലോകമെമ്പാടും മൂവായിരത്തിലധികം തീയറ്ററുകളിൽ ചിത്രം പ്രദർശനത്തിന് എത്തിക്കുവാനാണ് ഒടിയന്റെ അണിയറപ്രവർത്തകർ ശ്രമിക്കുന്നത്. ഒരേദിവസം തന്നെ തമിഴിലും തെലുങ്കിലും റിലീസിന് എത്തുന്ന ചിത്രം ലോകമെമ്പാടും ഡിസംബർ 14ന് തന്നെയാണ് എത്തുന്നത്. റിപ്പോർട്ടുകൾ അനുസരിച്ച് 31 വിദേശരാജ്യങ്ങളിൽ ഒടിയൻ റിലീസ് ചെയ്യുമെന്നാണ് അറിയുന്നത്. യൂ എ ഇ, ഒമാൻ, ബഹറിൻ, കുവൈറ്റ്, ഖത്തർ, സൗദി അറേബ്യ, യൂ എസ്, യു കെ, ന്യൂസിലാൻഡ്, ഓസ്ട്രേലിയ, ജപ്പാൻ, ഉക്രൈൻ, സിംഗപ്പൂർ, പോളണ്ട്, ഇറ്റലി, ജർമ്മനി, കാനഡ, സ്വിറ്റ്സർലൻഡ്, ഫ്രാൻസ്, ബെൽജിയം, ജോർജിയ, ഫിൻലൻഡ്‌, ലാത്വിയ, മാൾട്ട, ഓസ്ട്രിയ, നെതർലൻഡ്‌സ്‌, ഹംഗറി, കിർഗിസ്ഥാൻ, റഷ്യ, സ്പെയിൻ, അയർലണ്ട് തുടങ്ങിയ രാജ്യങ്ങളിൽ ചിത്രം പ്രദർശനത്തിന് എത്തുമെന്നാണ് റിപ്പോർട്ടുകൾ.
