ഒരു കാലഘട്ടത്തിൽ മലയാള സിനിമാ പ്രേക്ഷകർക്കിടയിൽ വമ്പൻ ഓളം സൃഷ്‌ടിച്ച തന്റെ കിടിലൻ ആക്ഷൻ രംഗങ്ങളിലൂടെ യുവാക്കളുടെ ഇടയിൽ സൂപ്പർ താരമായി മാറിയ വ്യക്തിയായിരുന്നു ബാബു ആന്റണി. പിന്നീട് വില്ലൻ വേഷത്തിലും തിളങ്ങിയ ബാബു ആന്റണി ഒരിടവേളക്ക് ശേഷം പ്രശസ്ത സംവിധായകൻ ഒമർ ലുലു സംവിധാനം ചെയ്യാൻ പോകുന്ന ബിഗ് ബജറ്റ് ആക്ഷൻ ചിത്രമായ പവർ സ്റ്റാറിലൂടെ നായകനായി മലയാള സിനിമയിലേക്ക് തിരിച്ചെത്തുകയാണ്. ഇപ്പോഴിതാ ചിത്രത്തിനായുള്ള താരത്തിന്റെ സ്‌കെച്ച് പുറത്തുവിട്ടിരിക്കുകയാണ് സംവിധായകൻ. നീട്ടിയ മുടിയും കാതിൽ കുരിശും കറുത്ത ഗ്ലാസുമെല്ലാമായി മാസ്സ് ലുക്കിലാണ് താരം ചിത്രത്തിൽ എത്തുക.
ബാബു ആന്റണിക്കും ലൂയിസ് മാൻഡിലോറിനൊപ്പം ബാബുരാജ്, റിയാസ് ഖാൻ, അബു സലിം തുടങ്ങിയ വമ്പൻ താരനിരയാണ് ചിത്രത്തിൽ അണിനിരക്കുന്നത്. കിക്ക് ബോക്സിങിൽ അഞ്ചു പ്രാവിശ്യം ലോകചാമ്പ്യനും,നാല് പ്രാവിശ്യം സപോർട്-കരാട്ടെ ചാമ്പ്യനുമായ അമേരിക്കൻ ബോക്സിങ് ഇതിഹാസം റോബർട് പർഹാമും പവർ സ്റ്റാറിന്റെ ഭാഗമായി ഉണ്ടാകും.
