സംവിധായകന്‍ സത്യന്‍ അന്തിക്കാടിന്റെ രണ്ടാമത്തെ മകന്‍ അഖില്‍ സത്യനും സംവിധായകനാകുന്നു. പാച്ചുവും അദ്ഭുതവിളക്കും എന്നാണ് ചിത്രത്തിന്റെ പേര്. അഖില്‍ തന്നെ കഥയും തിരക്കഥയും എഴുതി സംവിധാനം ചെയ്യുന്ന സിനിമയില്‍ ഫഹദ് ഫാസിലാണ് നായകന്‍. ഇതോടെ സത്യന്‍ അന്തിക്കാടിന്റെ രണ്ടാമത്തെ മകനും സ്വതന്ത്ര സംവിധായകനായുകയാണ്. ഗോവയിലും എറണാകുളത്തുമായാണു സിനിമയുടെ ചിത്രീകരണം.
വരനെ ആവശ്യമുണ്ട് എന്ന സിനിമയിലൂടെ ഇരട്ട സഹോദരനായ അഖിലും സ്വതന്ത്ര സംവിധായകനായിരുന്നു. അഖിലിന്റെ ഡോക്യുമെന്ററികള്‍ രാജ്യാന്തര ബഹുമതികള്‍ നേടിയിട്ടുണ്ട്. ഈ ഡോക്യുമെന്ററികള്‍ നെറ്റ്ഫ്‌ളിക്‌സ് ആസ്ഥാനത്തു പ്രദര്‍ശിപ്പിച്ചിട്ടുണ്ട്.
സേതു മണ്ണാര്‍ക്കാട് നിര്‍മിച്ചു വിതരണം ചെയ്യുന്ന സിനിമയ്ക്ക് സംഗീതം നല്‍കുന്നത് തമിഴ് സംഗീത സംവിധായകന്‍ ജസ്റ്റിന്‍ പ്രഭാകറാണ്. ഛായാഗ്രഹണം നിര്‍വ്വഹിക്കുന്നത് ശരണ്‍ വേലായുധനാണ്.
