വിവാഹത്തിനുമുൻപ് മുൻപ് ലൈംഗികബന്ധത്തിലേർപ്പെടാൻ കുട്ടികളെ മാതാപിതാക്കൾ പ്രചോദിപ്പിക്കേണ്ടതുണ്ടെന്ന അഭിപ്രായവുമായി രംഗത്തെത്തിയിരിക്കുകയാണ് ബോളിവുഡ് നടി കങ്കണ റണാവത്ത്. ഒരു ചാനൽ സംഘടിപ്പിച്ച ചർച്ചയിൽ സംസാരിക്കുകയായിരുന്നു താരം. തന്റെ ആദ്യ പ്രണയത്തെക്കുറിച്ചും പ്രണയ പരാജയത്തെ കുറിച്ചും താരം ചർച്ചയിൽ മനസ്സുതുറന്നു. ഓരോരുത്തരുടെയും ജീവിതത്തിൽ ആവശ്യമുള്ള ഒന്നാണ് ലൈംഗികത എന്നും അത് നിങ്ങൾക്ക് ആവശ്യമുള്ളപ്പോൾ നേടുക എന്നും എന്നാൽ അതിന് അടിമയാകരുത് എന്നും താരം പറഞ്ഞുവക്കുന്നു.
മക്കൾ ഉത്തരവാദിത്വമുള്ള ലൈംഗികബന്ധത്തിൽ ഏർപ്പെടുന്നതിൽ മാതാപിതാക്കൾ സന്തുഷ്ടരായിരിക്കണമെന്നാണ് താരത്തിന്റെ അഭിപ്രായം. താരം ലൈംഗികമായി സജീവമാണ് എന്നറിഞ്ഞപ്പോൾ താരത്തിന്റെ മാതാപിതാക്കൾ ഭയന്നു പോയി എന്നും പറയുന്നുണ്ട്. വളരെ ഒബ്‌സസീവ് ആയ, പ്രണയിക്കുമ്പോള്‍ അയാളെ കുറിച്ച് മാത്രം ചിന്തിക്കുന്ന പ്രണയിനി ആണ് താനെന്നും ഒന്‍പതാം ക്ലാസില്‍ പഠിക്കുമ്പോള്‍ ക്ലാസെടുത്ത അധ്യാപകനോടാണ് ആദ്യമായി പ്രണയം തോന്നിയത് എന്നും താരം പറയുന്നു. ആദ്യമൊക്കെ താരത്തിന് ചുംബിക്കാൻ പോലും അറിയില്ലായിരുന്നു എന്നും പറയുന്നുണ്ട്.
