സിനിമകൾ തിരഞ്ഞെടുക്കുന്നതിലും അഭിനയ മികവിലും മലയാള സിനിമയിലെ ഏറ്റവും മികച്ച നായിക നടിമാരിലൊരാളാണ് പാർവതി തിരുവോത്ത്. ഏറ്റവും ഒടുവിലായി വൈറസിലും ഉയരെയിലും ഗംഭീര പ്രകടനമാണ് പാർവതി കാഴ്ചവെച്ചത്. അടുത്തിടെ ഒരു സ്വകാര്യ റേഡിയോ എഫ് എമിന് അനുവദിച്ച അഭിമുഖത്തിൽ തന്റെ സംവിധാനസ്വപ്നങ്ങളെ കുറിച്ച് പാർവതി മനസ്സ് തുറന്നു.
സംവിധാനം എന്നും മനസ്സിൽ ഉള്ള ഒരു കാര്യമാണെന്നും ഉടൻതന്നെ ഈ മേഖലയിലേക്ക് എത്തുമെന്നും പാർവ്വതി പറഞ്ഞു .എൻറെ സുഹൃത്തും നടിയുമായ റീമാ കല്ലിങ്കലും ആയി ഇത് ചർച്ച ചെയ്തിരുന്നു,പാർവതി പറയുന്നു. മനസ്സിലുള്ള നായകനും നായികയും ആരാണെന്നും പാർവ്വതി വെളിപ്പെടുത്തുന്നുണ്ട്.ആസിഫ് അലിയെ നായകനായി കാണുവാനാണ് പാർവതി ആഗ്രഹിക്കുന്നത്.അതുപോലെ ദർശന രാജേന്ദ്രനും നിമിഷയുമായിരിക്കും ചിത്രത്തിലെ നായികമാരാകുന്നത് എന്നും പാർവതി പറയുന്നു
