അഭിനയ മികവുകൊണ്ട് മലയാള സിനിമാ രംഗത്ത് തന്റേതായ സ്ഥാനം നേടിയെടുത്ത താരമാണ് പാർവതി തിരുവോത്ത്. അടുത്തിടെ സ്വകാര്യ മാധ്യമത്തിന് നൽകിയ ഒരു അഭിമുഖത്തിൽ താൻ അഭിനയത്തിൽ നിന്നും ചെറിയ ഇടവേള എടുത്ത് സംവിധാന രംഗത്തേക്ക് കാലെടുത്ത് വെയ്ക്കുകയാണ് എന്ന് പാർവതി പറഞ്ഞിരുന്നു. സാധാരണ രണ്ടോ മൂന്നോ സിനിമകൾ ചെയ്തു കഴിഞ്ഞാൽ ഒരു ബ്രേക്ക് എടുക്കുന്നത് ശീലം ആണെന്നും പക്ഷേ ഈ ലോക്ക് ഡൗൺ കാലം ഒരു പ്രത്യേക അനുഭവമായിരുന്നു എന്നും താരം പറയുന്നു.
വല്ലാതെ ശ്വാസം മുട്ടുന്നതുപോലെ തോന്നിയ ഈ അവസരത്തിലാണ് എഴുത്തിൽ കേന്ദ്രീകരിക്കാൻ ശ്രമിച്ചതെന്നും താരം പറയുന്നുണ്ട്. സിനിമയുടെ കൂടുതൽ വിവരങ്ങളൊന്നും പുറത്തുവിട്ടിട്ടില്ല എങ്കിലും സിനിമാമേഖലയിൽ തന്റെ ഉറ്റ സുഹൃത്തായ ഒരു വ്യക്തിയോടൊപ്പം ചേർന്ന് ഒരു പ്രൊജക്റ്റ് ചെയ്യാനാണ് തീരുമാനിച്ചിരിക്കുന്നത് എന്ന് പാർവതി പറഞ്ഞു. ലോക്ക്ഡൗണ്‍ അവസാനിച്ചാലും ഉടനെ മറ്റു സിനിമകളിലെ അഭിനയം തുടരുമോ അതോ തത്കാലത്തേക്ക് അഭിനയത്തില്‍ നിന്നും വിട്ടു നില്‍ക്കുമോ എന്ന ചോദ്യത്തോട് പാര്‍വതി പ്രതികരിച്ചിട്ടില്ല. ചെയ്യാൻ പോകുന്ന ചിത്രത്തിന്റെ തിരക്കഥ ഏകദേശം പൂർത്തിയായി എന്നാണ് അടുത്ത വൃത്തങ്ങൾ രേഖപ്പെടുത്തുന്നത്.
