നടി ആക്രമിക്കപ്പെട്ട കേസിൽ സിദ്ദിക്കും ഭാമയും കൂറുമാറിയതിൽ പ്രതികരിച്ചുകൊണ്ട് രേവതി, രമ്യ നമ്പീശൻ, റിമ കല്ലിങ്കൽ എന്നിവർ ഫേസ്ബുക്ക് പോസ്റ്റ് ഇട്ടിരുന്നു. ഇപ്പോൾ നടിയായ പാർവതി തിരുവോത്തും തന്റെ പ്രതികരണം അറിയിച്ചുകൊണ്ട് രംഗത്തെത്തിയിരിക്കുകയാണ്. ഫെയ്സ്ബുക്കിലൂടെയാണ് താരം തന്റെ പ്രതികരണം അറിയിച്ചത്. അവൾക്കൊപ്പം എന്ന ഹാഷ് ടാഗോട് കൂടിയായിരുന്നു തന്റെ പ്രതികരണം പോസ്റ്റ് രൂപത്തിൽ താരം പങ്കുവെച്ചത്.
സുഹൃത്തെന്ന് കരുതുന്നുവരുടെ പോലും കൂറുമാറ്റം ഞെട്ടിക്കുന്നു. അവൾ തല ഉയർത്തി നീതിക്കായി പോരാടുന്നത് ഞങ്ങൾ കണ്ടു. സാക്ഷികൾ എങ്ങനെയാണ് കൂറുമാറിയതെന്നത് എന്നെ ഞെട്ടിച്ചു. പ്രത്യേകിച്ച് സുഹൃത്തെന്ന് കരുതുന്നുവരുടെ മൊഴിമാറ്റം. അതിജീവിച്ചവളുടെ പോരാട്ടം വിജയിക്കണമെന്നാണ് താൻ ആഗ്രഹിക്കുന്നതെന്നും അവൾക്കൊപ്പം നിൽക്കുന്നു. പാർവതി പറയുന്നു.
കൂറുമാറ്റത്തിലൂടെ ഇവരും ആ കുറ്റകൃത്യത്തെ അംഗീകരിക്കുകയാണ് എന്ന് ആഷിക് അബു വ്യക്തമാക്കിയിരുന്നു. അവൾക്കൊപ്പം എന്ന ഹാഷ് ടാഗ് ക്യാമ്പയിൻ ഇപ്പോൾ പുരോഗമിക്കുകയാണ്. പക്ഷേ താരസംഘടനയായ അമ്മ ഇതുവരെ വരെ ഈ സംഭവത്തോട് പ്രതികരിച്ചിട്ടില്ല.
