സിനിമ ലോകത്തെ അഭിഭാഷകരുടെ നിരയിലേക്ക് പുതിയൊരു താരം കൂടി എത്തിയിരിക്കുന്നു. പതിനെട്ടാം പടി, വരനെ ആവശ്യമുണ്ട് എന്നീ ചിത്രങ്ങളിലൂടെ പ്രേക്ഷകർക്ക് പരിചിതയായ നടി വഫ ഖദീജ റഹ്മാനാണ് നാഷണൽ യൂണിവേഴ്സ്റ്റി ഓഫ് ലീഗൽ സ്റ്റഡീസിൽ നിന്നും നിയമപഠനം പൂർത്തിയാക്കിയിരിക്കുന്നത്. കോവിഡ് പ്രതിസന്ധിയായതിനാൽ ഓൺലൈനിലാണ് വഫ പഠനം പൂർത്തിയാക്കിയത്. ശങ്കർ രാമകൃഷ്‌ണൻ സംവിധാനം നിർവഹിച്ച പതിനെട്ടാം പടിയിലൂടെയാണ് വഫ അഭിനയരംഗത്തേക്ക്ക് കടന്ന് വന്നത്. ചിത്രത്തിൽ എയ്‌ഞ്ചൽ എന്ന ഒരു പ്രധാന കഥാപാത്രത്തെയാണ് താരം അവതരിപ്പിച്ചത്.
വരനെ ആവശ്യമുണ്ട് എന്ന ചിത്രത്തിൽ ദുൽഖറിന്റെ കാമുകിയായി ശ്രദ്ധേയമായ വേഷമാണ് വഫ അഭിനയിച്ചത്. ബെയറി ഭാഷ സംസാരിക്കുന്നത് കൊണ്ടാണ് തന്നെ ആ ചിത്രത്തിലേക്ക് തിരഞ്ഞെടുത്തതെന്ന് വഫ വെളിപ്പെടുത്തിയിരുന്നു. കേരള ഹൈക്കോടതിയിൽ പ്രാക്ടീസ് ചെയ്യുവാൻ വഫ രജിസ്റ്റർ ചെയ്‌തിട്ടുണ്ട്‌. കൂടാതെ ക്യാമ്പസ് ഇന്റർവ്യൂ വഴി ഏർണെസ്റ് & യങ്ങ് എന്ന കമ്പനിയിലേക്കും തിരഞ്ഞെടുക്കപ്പെട്ടിട്ടുണ്ട്. കോവിഡ് പ്രതിസന്ധി മാറി എല്ലാം സാധാരണ നിലയിൽ ആയാലേ ഇതെല്ലാം സാദ്ധ്യമാകൂ എന്നും താരം വ്യക്തമാക്കി. നല്ല വേഷങ്ങൾ വന്നാൽ ഇനിയും അഭിയിക്കുമെന്നും വഫ വ്യക്തമാക്കി.
