ജയറാം – കണ്ണൻ താമരക്കുളം കൂട്ടുകെട്ട് വീണ്ടും ഒന്നിച്ച പട്ടാഭിരാമൻ മികച്ച റിപ്പോർട്ടുകൾ കരസ്ഥമാക്കി പ്രദർശനം തുടരുകയാണ്. പ്രളയം കഴിഞ്ഞ് പ്രേക്ഷകർ വീണ്ടും തീയറ്ററുകളിലേക്ക് എത്തി തുടങ്ങിയതോടെ ചിത്രത്തിന്റെ കളക്ഷനും സമീപകാല ജയറാം ചിത്രങ്ങളുടേതിൽ ഏറ്റവും മുന്നിൽ തന്നെയാണ് പട്ടാഭിരാമൻ ഇപ്പോൾ. 3 ദിനം കൊണ്ട് 1.93 കോടിയാണ് ചിത്രം നേടിയിരിക്കുന്നത്. ഭക്ഷണത്തിൽ ചേർക്കുന്ന മായത്തിന്റെ ദൂഷ്യഫലങ്ങളെ നർമത്തിന്റെ മേമ്പൊടി ചേർത്ത് ഒരുക്കിയിരിക്കുന്ന മികച്ചൊരു വിരുന്ന് തന്നെയാണ് ചിത്രം. അബാം മൂവീസിൻ്റെ ബാനറിൽ എബ്രഹാം മാത്യുവാണ് ചിത്രം നിമ്മിക്കുന്നത്.ഷീലു അബ്രഹാം ,മിയ ജോര്‍ജ്,മാധുരി,പ്രിയ നമ്പ്യാർ, അനുമോൾ എന്നിവരാണ് ചിത്രത്തിലെ നായികമാര്‍. ദിനേശ് പള്ളത്ത് ആണ് ചിത്രത്തിൻ്റെ രചന നിർവഹിക്കുന്നത്. രവിചന്ദ്രനാണ് ഈ ചിത്രത്തിൻ്റെ ക്യാമറ കൈകാര്യം ചെയ്യുന്നത്. ജയറാമിനെ നായകനാക്കി കണ്ണൻ താമരക്കുളം ഒരുക്കുന്ന നാലാമത് ചിത്രമാണ് പട്ടാഭിരാമൻ . തിങ്കൾ മുതൽ വെള്ളി വരെ, ആടുപുലിയാട്ടം, അച്ചായൻസ് എന്നീ ചിത്രങ്ങളായിരുന്നു ജയറാം- കണ്ണൻ താമരക്കുളം കൂട്ടുകെട്ടിൽ പുറത്തിറങ്ങിയിരുന്നത്.
