ബിഗ് ബോസ് എന്ന പ്രോഗ്രാമിലൂടെ പ്രേക്ഷകര്‍ക്ക് വളരെ പ്രിയങ്കരരായ താര ജോഡികളാണ് പേര്‍ളി മാണിയും ശ്രീനിഷും. ബിഗ്‌ബോസിലൂടെയാണ് ഇരുവരും പ്രണയത്തിലാകുന്നത്. രണ്ടു കുടുംബത്തിന്റെയും സമ്മതത്തോടെ താരങ്ങള്‍ വിവാഹിതരായി.
ഇപ്പോളിതാ ഒരു അഭിമുഖത്തില്‍ തനിക്ക് വിവാഹം കഴിക്കാന്‍ താല്പര്യം ഇല്ലായിരുന്നുവെന്ന് പേര്‍ളി മനസ് തുറക്കുകയാണ്. ജീവിതത്തില്‍ പ്രണയവും ബ്രേക്കപ്പും അനുഭവിച്ച ആളായിരുന്നു താന്നെും ആ സമയത്ത് വിവാഹത്തെക്കുറിച്ച് ചിന്തിച്ചിരുന്നില്ല, ഒരു കുഞ്ഞിനെ ദത്തു എടുക്കാന്‍ ആയിരുന്നു ആഗ്രഹിച്ചത് ആ കാര്യം വീട്ടികാരെ പറഞ്ഞ് സമ്മതിപ്പിക്കാന്‍ ഒരുങ്ങുകയായിരുന്നു , അപ്പോഴാണ് ബിഗ്‌ബോസിലേക്ക് അവസരം ലഭിച്ചത്. ഷോയിലൂടെയാണ് ശ്രീനിഷ് തന്റെ ജീവിതത്തിലേക്ക് കടന്നു വന്നത്, തങ്ങളുടെ പ്രണയം അങ്ങനെ വിവാഹത്തിലെത്തുകയും ചെയ്തുവെന്ന് താരം പറയുന്നു. ശ്രീനിയ്ക്കും തനിക്കും രണ്ട് സ്വഭാവമാണെന്നും അദ്ദേഹം വളരെ ശാന്തസ്വഭാവക്കാരന്‍ ആണെന്നും പേര്‍ളി പറഞ്ഞു.
കുഞ്ഞിനെ ദത്തെടുക്കുന്ന കാര്യം ആലോചനയില്‍ വന്നത് സുഹൃത്തുക്കള്‍ കാരണമാണ്. തന്റെ പ്രായത്തിലുള്ളവരുടെ കല്യാണമൊക്കെ കഴിഞ്ഞു, അവര്‍ കുഞ്ഞുങ്ങളോടൊത്ത് കളിക്കുന്നത് കാണുമ്പോള്‍ തനിക്കും ആഗ്രഹം തോന്നും, പക്ഷെ കല്യാണം കഴിക്കാന്‍ താത്പര്യമുണ്ടായിരുന്നില്ല, പക്ഷെ ശ്രീനിയെ കണ്ടപ്പോള്‍ തന്റെ നിലപാട് മാറ്റുകയായിരുന്നുവെന്നും അദ്ദേഹത്തെ കണ്ടപ്പോള്‍ മനസ്സിലായി ഇങ്ങനത്തെ ആളുകളും ഈ ലോകത്ത് ഉണ്ടെന്ന് എന്നും പേര്‍ളി പറഞ്ഞു.
