കുടുംബപ്രേക്ഷകർ ഏറ്റെടുത്ത ഒടിയൻ ശക്തമായൊരു തിരിച്ചുവരവാണ് നടത്തിയിരിക്കുന്നത്. നെഗറ്റീവ് റിവ്യൂസ് കൊണ്ടും കനത്ത ഡീഗ്രേഡിങ്ങ് കൊണ്ടും തകർക്കാൻ ശ്രമിച്ചിട്ടും കളക്ഷനിലും തീയറ്ററുകളിലെ തിരക്കുകളിലും വമ്പൻ മാറ്റം തീർത്ത് കുതിക്കുന്ന ഒടിയന് കട്ട സപ്പോർട്ടുമായി നടിയും അവതാരകയുമായ പേർളീ മാണി. ഒടിയനിലെ തന്നെ ഒരു മാസ്സ് ഡയലോഗ് കടമെടുത്താണ് പേർളീ ഒടിയന് പിന്തുണയുമായി എത്തിയിരിക്കുന്നത്. “നാല് ട്യൂബ് ലൈറ്റ് വിചാരിച്ചാൽ തകർക്കാൻ പറ്റുന്നതല്ല ഒടിയൻ” എന്ന ഡയലോഗ് ഇപ്പോഴത്തെ സാഹചര്യത്തിൽ മാസ്സ് തന്നെയാണെന്നാണ് പേർളീ പറയുന്നത്. ഒപ്പം ചിത്രത്തെ തകർക്കാനുള്ള നെഗറ്റീവ് റിവ്യൂസ് തയ്യാറാക്കുന്നതിനേയും പേർളീ നിശിതമായി വിമർശിച്ചു. ഒടിയൻ പോലൊരു ബിഗ് ബഡ്‌ജറ്റ്‌ ചിത്രത്തെ ആഗോളതലത്തിലും പ്രൊമോട്ട് ചെയ്യേണ്ടത് നാം തന്നെയാണെന്നും പേർളീ ഓർമിപ്പിക്കുന്നു.
