കൊറോണ വ്യാപനം തടയുന്നതിനായി ലോക്ക്ഡൗണ്‍ വീണ്ടും നീട്ടിയിരിക്കുകയാണ്. തെന്നിന്ത്യന്‍ സിനിമകളെല്ലാം പ്രതിസന്ധിയിലാണ്. ഷൂട്ടിങ് എല്ലാം നിര്‍ത്തി വച്ചിരിക്കുന്നതിനാല്‍ താരങ്ങള്‍ എല്ലാവരും വീടിനുള്ളില്‍ തന്നെ കഴിയേണ്ട അവസ്ഥയാണ്. ഈസ്റ്റര്‍, വിഷു ആഘോഷങ്ങളില്‍ പല സൂപ്പര്‍ഹിറ്റ് ചിത്രങ്ങളും തീയറ്ററില്‍ എത്തേണ്ടതായിരുന്നു.
ഈ ലോക് ഡൗണ്‍ നാളില്‍ തെന്നിന്ത്യന്‍ താരദമ്പതിമാരായ പൂജ രാമചന്ദ്രനും ജോണ്‍ ജോണ്‍ കോക്കെനും വിവാഹ വാര്‍ഷികം ആഘോഷിക്കുന്നതിന്റെ ചിത്രങ്ങള്‍ ആരാധകര്‍ക്കായി പങ്കുവച്ചിരിക്കുകയാണ്. സോഷ്യല്‍ മിീഡിയയിലൂടെ ഇരുവരുടെയും സന്തോഷ ചിത്രം പങ്കു വെച്ച് കൊണ്ടാണ് ജോണ്‍ ഈ സന്തോഷ ദിവസത്തെ കുറിച്ച് പറഞ്ഞത്. ഒരു അവധി ദിവസത്തില്‍ ഇരുവരും ബീച്ചില്‍ വച്ചെടുത്ത ചിത്രമായിരുന്നു ജോണ്‍ ആരാധകര്‍ക്കായി പോസ്റ്റ് ചെയ്തത്. തന്റെ പ്രണയത്തോടൊപ്പമുള്ള ലോക് ഡൗണിന്റെ ഒരു വര്‍ഷം എന്നാണ് ചിത്രത്തിന് ക്യാപ്ഷന്‍ നല്‍കിയത്.
നടി വീഡിയോ ജോക്കി, അവതാരക, മോഡല്‍ എന്നിങ്ങനെ വിവിധ മേഖലകളില്‍ പ്രവര്‍ത്തിച്ച താരമാണ് പൂജ. ലക്കിസ്റ്റാര്‍, ഡി കമ്പനി എന്നിങ്ങനെ മലയാളസിനിമയിലും താരം ഭാഗമായിട്ടുണ്ട്. ജോണ്‍ കോക്കനെയുമായുള്ള വിവാഹം കഴിഞ്ഞ വര്‍ഷം ഏപ്രില്‍ പതിനഞ്ചിനായിരുന്നു നടന്നത്.
