മലയാള സിനിമയുടെ സൂപ്പര്‍ കൂള്‍ മമ്മി ആയ പൂര്‍ണിമ ഇന്ദ്രജിത്തിന്റെ ഏറ്റവും പുതിയ പുതിയ ഇന്‍സ്റ്റഗ്രാം പോസ്റ്റ് ആണ് സോഷ്യല്‍ മീഡിയയില്‍ വെറലാകുന്നത.് വളരെ ചുരുങ്ങിയ സമയം കൊണ്ടാണ് പൂര്‍ണിമ തന്റെ ബിസിനസ് രംഗത്ത് തന്റെതായ കയ്യൊപ്പ് പതിപ്പിച്ചത്. താരത്തിന്റെ വസ്ത്ര വിപണന മേഖല ഇപ്പോള്‍ കേരളത്തിലെ തന്നെ മുന്‍ നിരയില്‍ എത്തി നില്‍ക്കുകയാണ്. മകള്‍ പ്രാര്‍ത്ഥനയുടെയും നക്ഷത്രയുടെയും പേരുകള്‍ ചേര്‍ത്താണ് പ്രാണ എന്ന പേര് നല്‍കിയിരിക്കുന്നത്.
കുടുംബത്തോടൊപ്പമുള്ള സുന്ദര നിമിഷങ്ങള്‍ താരം സോഷ്യല്‍ മീഡിയയില്‍ പങ്കുവയ്ക്കാറുണ്ട്. ഇപ്പോഴിതാ മകള്‍ പ്രാര്‍ത്ഥനയുടെ പത്താം ക്ലാസ് പരീക്ഷയോട് അനുബന്ധിച്ച് താരം നല്കുന്ന ഉപദേശമാണ് ആരാധകര്‍ ഏറ്റെടുക്കുന്നത.് സാധാരണ അമ്മമാരെ പോലെ പരീക്ഷയില്‍ ഉന്നത വിജയം കരസ്ഥമാക്കണം എന്നല്ല പൂര്‍ണിമ മകളെ ഉപദേശിച്ചത്.
നീ പുലര്‍ത്തുന്ന മനോഭാവം ആണ് നിന്നെ വിജയത്തില്‍ എത്തിക്കുന്നത് എന്നാണ് പൂര്‍ണിമ മകള്‍ക്ക് നല്‍കിയ ഉപദേശം. മറ്റു കുട്ടികള്‍ക്കും താരം ആശംസകള്‍ അറിയിച്ചിട്ടുണ്ട്. പോസ്റ്റ് ആരാധകര്‍ ഇരുകൈയും നീട്ടി സ്വീകരിക്കുകയാണ്. മക്കള്‍ക്ക് ഉയര്‍ന്നമാര്‍ക്ക് നേടാനല്ല ഉപദേശിക്കേണ്ടത് ഇങ്ങനെയുള്ള കാര്യങ്ങള്‍ ആണ് പറഞ്ഞു കൊടുക്കേണ്ടത് എന്ന് ആരാധകര്‍ കമന്റുകളില്‍ അറിയിക്കുന്നു.
