സിനിമ ആരാധകർക്ക് ദൃശ്യാനുഭവം പകർന്ന് പ്രഭാസിന്റെ ഏറ്റവും പുതിയ ചിത്രം രാധേശ്യാമിലെ പുതിയ ഗാനം പുറത്തിറങ്ങി. ‘ സ്വപ്ന ദൂരമേ ‘ എന്നാണ് ഗാനത്തിൻറെ ആദ്യവരി. മനോഹരമായ ഗാനം ആലപിച്ചിരിക്കുന്നത് സൂരജ് സന്തോഷാണ്.പ്രഭാസും പൂജ ഹെഡ്ഗെ യും ആണ് ചിത്രത്തിൽ പ്രധാന കഥാപാത്രങ്ങളായി എത്തിയിരിക്കുന്നത്.
പുറത്തുവിട്ടിരിക്കുന്ന ഏറ്റവും പുതിയ ഗാനം ആരാധകർ ഇരുകൈയ്യും നീട്ടിയാണ് സ്വീകരിച്ചിരിക്കുന്നത് .വളരെ ചുരുങ്ങിയ സമയം കൊണ്ട് ചിത്രത്തിലെ ഗാനം യൂട്യൂബിൽ കണ്ടത് ലക്ഷക്കണക്കിന് ആളുകളാണ്. മലയാളത്തോടൊപ്പം തമിഴ്, തെലുങ്ക്, കന്നട എന്നീ ഭാഷകളിലും ഗാനം പുറത്തിറക്കിയിട്ടുണ്ട്. മനോഹരമായ ഈ ഗാനം യൂട്യൂബിലൂടെ റിലീസ് ചെയ്തിരിക്കുന്നത് ടി – സീരിയസിന്റെ മലയാളം യുട്യൂബ് ചാനലാണ്.
ആരാധകർ ഏറെ കാത്തിരിക്കുന്ന ചിത്രം ജനുവരി 14 ന് തിയറ്ററുകളിലെത്തും . കൈ നോട്ടക്കാരനായ വിക്രമാദിത്യ എന്ന കേന്ദ്ര കഥാപാത്രത്തിൽ ആണ് പ്രഭാസ് ചിത്രത്തിലെത്തുന്നത്, നായികയായെത്തുന്നത് പൂജ ഹെഡ്ഗെ ആണ്. കഥാപാത്രത്തിൻറെ പേര് പ്രേരണയെയാണ്.
യുവി ക്രിയേഷന്‍, ടി സീരീസ് ബാനറില്‍ ഭൂഷണ്‍ കുമാര്‍, വാംസി, പ്രമോദ് എന്നിവര്‍ ചേര്‍ന്നാണ് മനോഹരമായ റൊമാൻറിക് ചിത്രം നിര്‍മ്മിക്കുന്നത്. ചിത്രത്തില്‍ സാശാ ചേത്രി, കുനാല്‍ റോയ് കപൂര്‍ ,സച്ചിന്‍ ഖേദേക്കര്‍, ഭാഗ്യശ്രീ, പ്രിയദര്‍ശി, മുരളി ശര്‍മ,
എന്നിവരും പ്രധാന വേഷത്തിലെത്തുന്നുണ്ട്.
