മമ്മൂട്ടി ചിത്രം മാമാങ്കത്തിൽ ഉണ്ണിമായ ആയി മലയാളത്തിലെത്തിയ നടി പ്രാചി തെഹലാൻ ആരാധകർക്ക് പ്രിയങ്കരിയാണ്. പ്രാച്ചി തെഹ്ലാൻ ഡൽഹി കാരിയാണ്. ഇന്ത്യൻ ദേശീയ ടീമിന്റെ ക്യാപ്‌റ്റൻപദവി വഹിച്ചശേഷം മലയാള സിനിമയിൽ നായികയാകുന്ന ആദ്യ വനിതയാണ് പ്രാചി തെഹ്ലാൻ. 2010ലെ ഡൽഹി കോമൺവെൽത്ത് ഗെയിംസിൽ ഇന്ത്യൻ വനിതാ നെറ്റ്‌ബോൾ ടീമിന്റെ ക്യാപ്‌റ്റൻ പദവിയിലെത്തുമ്പോൾ പ്രാചിക്കു പ്രായം 17 മാത്രം ആയിരുന്നു. അഞ്ചടി 11 ഇഞ്ച് ഉയരം ഉള്ള താരം ബാസ്‌കറ്റ്‌ബോളിൽ ദേശീയ സബ്‌ജൂനിയർ താരമായിരുന്നു.
മലയാളത്തിലെ തന്റെ ഇഷ്ടതാരങ്ങൾ ആരൊക്കെയാണെന്ന് പ്രാചി തെഹ്ലാൻ പറഞ്ഞിരുന്നു. മലയാളത്തിലെ ഏറ്റവും പ്രീയപ്പെട്ട നടനാരാണെന്ന ചോദ്യത്തിന് മമ്മൂട്ടി, ടോവിനോ തോമസ്, പൃഥ്വിരാജ് സുകുമാരൻ എന്നീ പേരുകളാണ് പ്രാചി പറഞ്ഞത്. ഈ നടന്മാരുടെ അഭിനയമികവ് മാത്രമല്ല വ്യക്തിത്വം കൂടി തന്നെ സ്വാധീനിച്ചിട്ടുണ്ടെന്ന് താരം പറയുന്നു. മാമാങ്കം സിനിമയിലെ രസകരമായ അനുഭവങ്ങൾ താരം ഇപ്പോൾ തുറന്നു പറയുകയാണ്. താരത്തിന്റെ വാക്കുകൾ ഇങ്ങനെ.
“ഷൂട്ടിംഗ് സമയത്ത് മമ്മൂട്ടിക്ക് ഒപ്പം അഭിനയിക്കാൻ ആദ്യം പേടി ഉണ്ടായിരിന്നു. ഒരു സൂപ്പർ സ്റ്റാറിന് ഒപ്പം അഭിനയിക്കുമ്പോൾ തെറ്റ് വരുത്താൻ പാടില്ലെന്ന തീരുമാനം എനിക്ക് ഉണ്ടായിരുന്നു. എന്നാൽ ഷൂട്ടിംഗ് ഇടവേളകളിൽ മമ്മൂട്ടിക്ക് ഒപ്പം ഒരുപാട് സംസാരിച്ചപ്പോൾ ആ പേടി മാറിയിരുന്നു. ലൊക്കേഷനിലെ ഓരോ അഭിനേതാക്കളും അണിയറപ്രവർത്തകരും മമ്മൂട്ടി സെറ്റിലുള്ളപ്പോൾ വളരെ അച്ചടക്കത്തോടെയും ശ്രദ്ധയോടെയുമാണ് പെരുമാറുക. ബഹുമാനത്തോടെയും ശ്രദ്ധയോടെയുമാണ് എല്ലാവരുടെയും പെരുമാറ്റം. അദ്ദേഹത്തതിന്റെ എനർജിയോടും ഒരു ഇതിഹാസതാരമെന്ന രീതിയിൽ അദ്ദേഹത്തിന്റെ പ്രഭാവലയത്തോടും നമുക്ക് അത്യന്തം ബഹുമാനം തോന്നും. അദ്ദേഹം വളരെ ഡൗൺ റ്റു എർത്തായ ഒരു വ്യക്തിയാണ്, അദ്ദേഹം അടുത്തുള്ളപ്പോൾ ഒരാൾക്കും തെറ്റുകൾ വരുത്താൻ കഴിയില്ല.”
