നായകനായി അരങ്ങേറ്റം കുറിച്ച ആദ്യചിത്രം തന്നെ 50 കോടി ക്ലബിലും വിജയകരമായ 100 പിന്നിട്ടപ്പോഴും പ്രണവ് മോഹൻലാൽ എന്ന അപ്പു ഇപ്പോഴും ഒരു സാധാരണക്കാരൻ തന്നെയാണ്. ആദിയുടെ റിലീസിന്റെ അന്ന് ദൂരെ ഹിമാലയത്തിന്റെ നെറുകയിൽ നെറ്റ്‌വർക്ക് പോലുമില്ലാത്ത സ്ഥലത്തായിരുന്നു അപ്പു. ഇപ്പോഴിതാ ചിത്രത്തിന്റെ നൂറാം ദിനാഘോഷവേളയിൽ മനസ്സ് തുറന്നിരിക്കുകയാണ് മലയാളത്തിലെ പുതിയ നായകൻ.
“ആദി ഇത്രയും വലിയ വിജയമായതിൽ വളരെ സന്തോഷമുണ്ട്. ഈ ചിത്രം ഇത്രയും വലിയ വിജയമായത് ഇതിന്റെ പിന്നിൽ വർക്ക് ചെയ്‌ത എല്ലാവരുടെയും ഡെഡിക്കേഷനും ടീം വർക്കും കൊണ്ടാണ്. ഇത്രയും നല്ലൊരു ടീമിനൊപ്പം ഇത്രയും കംഫർട്ടബിളായിട്ട് വർക്ക് ചെയ്യാൻ പറ്റിയത് ഞാൻ എന്റെ ഏറ്റവും വലിയ ഭാഗ്യമായി കാണുന്നു. ഞങ്ങളെ സപ്പോർട്ട് ചെയ്‌ത എല്ലാവർക്കും നന്ദി. തീയറ്ററിൽ പോയി രണ്ടര മണിക്കൂർ ഈ മുഖം സഹിച്ച് ഇരുന്ന എല്ലാവർക്കും നന്ദി.” ടോമിച്ചൻ മുളകുപ്പാടം നിർമിച്ച് അരുൺ ഗോപി സംവിധാനം നിർവഹിക്കുന്ന ചിത്രമാണ് പ്രണവിന്റേതായി അടുത്തത് എത്തുന്നത്.
