മലയാള സിനിമാ പ്രേക്ഷകരുടെ ഇഷ്ടപ്പെട്ട താരദമ്പതികള്‍ ആണ് പൂര്‍ണിമയും ഇന്ദ്രജിത്തും. ഈ ലോക്ഡൗണ്‍ കാലത്ത് താരങ്ങള്‍ സോഷ്യല്‍ മീഡിയയില്‍ വളരെ സജീവമാണ്. ഫാഷന്‍ രംഗത്ത് തിളങ്ങുന്ന പൂര്‍ണിമയുടെ ചിത്രങ്ങളെല്ലാം ആരാധകര്‍ എടുക്കാറുണ്ട്.
ഇപ്പോഴിതാ താരങ്ങളുടെ മകള്‍ പ്രാര്‍ത്ഥനയുടെ ഏറ്റവും പുതിയ വീഡിയോ ആണ് സോഷ്യല്‍ മീഡിയയില്‍ വൈറലാകുന്നത്. വളരെ ചെറിയ പ്രായത്തില്‍ തന്നെ മലയാള സിനിമ പിന്നണി ഗാനരംഗത്ത് പ്രവേശിച്ച താരമാണ് പ്രാര്‍ത്ഥന ഇന്ദ്രജിത്ത്. അഭിനയരംഗത്ത് സജീവമല്ലെങ്കിലും ഇന്‍സ്റ്റഗ്രാമിലും ടിക്ടോക്കിലും താരം വളരെയധികം ആക്ടീവായിരുന്നു.
ഇത്തവണ പാട്ടുപാടി അല്ല പ്രാര്‍ത്ഥന ആരാധകരെ ഞെട്ടിച്ചിരിക്കുന്നത്. കിടിലന്‍ ഡാന്‍സ് നമ്പറുമായി ആണ് പ്രാര്‍ത്ഥന എത്തിയിരിക്കുന്നത്. സെലിബ്രിറ്റികള്‍ അടക്കം നിരവധി പേരാണ് താരത്തിന് ആശംസകളുമായി എത്തിയത്. താരങളുടെ അടുത്ത കുടുംബസുഹൃത്താണ് സംവിധായികയും നടിയുമായ ഗീതു മോഹന്‍ദാസ്. ഗീതുവും ഡാന്‍സിന് മികച്ച അഭിപ്രായം നല്കിയിട്ടുണ്ട്. അമ്മ പൂര്‍ണിമയും കമന്റ് ചെയ്തിട്ടുണ്ട്. വളരെ ചുരുങ്ങിയ സമയം കൊണ്ടാണ് ചിത്രം സോഷ്യല്‍ മീഡിയയില്‍ വൈറലായത്. ശരണ്‍ നായരുമായി കൊളാബ് ചെയ്താണ് വീഡിയോ ചെയ്തിരിക്കുന്നത്. ഇനിയും ഇത് പോലുളള വീഡിയോകള്‍ ഉണ്ടാകുമെന്ന സൂചനയും താര പുത്രി നല്കിയിട്ടുണ്ട്.
