മലയാളസിനിമക്ക് ഈ അടുത്ത കാലത്ത് കിട്ടിയ നല്ല ഓമനത്തമുള്ള മുഖത്തോട് കൂടിയ നടിയാണ് പ്രയാഗ മാർട്ടിൻ. ചുരുക്കം ചിത്രങ്ങളിൽ കൂടി തന്നെ പ്രേക്ഷകമനസ്സുകളിൽ തന്റേതായ ഒരു ഇരിപ്പിടം കണ്ടെത്തിയ ഈ നടി അവതരിപ്പിച്ചിട്ടുള്ളതിൽ ഏറ്റവും ബോൾഡായിട്ടുള്ള കഥാപാത്രമാണ് ദിലീപ് നായകനായ രാമലീലയിലെ ഹെലന. കഴിഞ്ഞ ദിവസം നടന്ന ചിത്രത്തിന്റെ 111ാം ദിനാഘോഷവേളയിൽ ദിലീപിനെ കുറിച്ച് പ്രയാഗ പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ തരംഗമായിരിക്കുന്നത്.
“അഭിനയത്തെ പറ്റി മാത്രമല്ല, ഇടക്കിടക്ക് ബ്രേക്ക് ടൈം കിട്ടുമ്പോൾ ജീവിതത്തെപ്പറ്റിയും നല്ല മൂല്യങ്ങളും ഉപദേശങ്ങളും പറഞ്ഞു തന്ന, ഒരു സഹപ്രവർത്തകൻ എന്നതിലുപരി ഒരു ജ്യേഷ്ഠസഹോദരനാണ് ദിലീപേട്ടൻ. എത്ര നന്ദി പറഞ്ഞാലും മതിയാകില്ല.” ദിലീപേട്ടന് നന്ദി പറയുന്നതിനൊപ്പം തന്നെ ചിത്രത്തിന്റെ നിർമാതാവായ ടോമിച്ചൻ മുളകുപ്പാടത്തിനും ഗുരുതുല്യനായ സംവിധായകൻ അരുൺ ഗോപിക്കും നന്ദി പറയാൻ പ്രയാഗ മറന്നില്ല
