വീക്കെൻഡ് കുടുംബത്തോടൊപ്പം ആഘോഷിക്കുന്നതിന്റെ തിരക്കിലാണ് പൃഥ്വിരാജും ഇന്ദ്രജിത്തും ഇപ്പോൾ. ഇന്ദ്രജിത്തിന്റെ വീട്ടിൽ കുടുംബസമേതം ഒത്തുകൂടിയിരിക്കുകയാണ് പൃഥ്വിരാജും ഇന്ദ്രജിത്തും. പാട്ടും ഡാൻസും ഭക്ഷണവുമായി ആഘോഷത്തിലാണ് ഇരു കുടുംബവും. ഇതിന്റെ ചിത്രങ്ങൾ നവമാദ്ധ്യമങ്ങളിൽ ഇപ്പോൾ വൈറലാകുന്നുണ്ട്.
ഇന്ദ്രജിത്തിന്റെ മക്കളായ പ്രാർത്ഥനയോടും നക്ഷത്രയോടും ഒപ്പം ഓർഗൻ വായിക്കുന്ന അലംകൃതയുടെ ചിത്രം തന്റെ ഇൻസ്റ്റഗ്രാം അക്കൗണ്ടിൽ സുപ്രിയ പോസ്റ്റ് ചെയ്തിട്ടുണ്ട്. പ്രാർത്ഥന ഗാനം ആലപിക്കുന്ന വീഡിയോ പൃഥ്വിരാജും തന്റെ ഇൻസ്റ്റഗ്രാം അക്കൗണ്ടിൽ പോസ്റ്റ് ചെയ്യുകയുണ്ടായി.
ഇതിനിടെ പൃഥ്വിരാജ് നായകനായി എത്തിയ അയ്യപ്പനും കോശിയും നിറഞ്ഞ സദസ്സിൽ പ്രദർശനം തുടരുകയാണ്.ബിജു മേനോനോടൊപ്പം പൃഥ്വിരാജ് ഒരു ഇടവേളക്ക് ശേഷം വീണ്ടും ഒന്നിക്കുന്ന ചിത്രമാണ് അയ്യപ്പനും കോശിയും. ഈ മാസം ആദ്യം റിലീസ് ചെയ്ത ചിത്രത്തിന് അതിഗംഭീര റിപ്പോർട്ടുകളാണ് ലഭിക്കുന്നത്. പൃഥ്വിരാജും ബിജുമേനോനും ഒന്നിച്ചഭിനയിച്ച അനാർക്കലി എന്ന ചിത്രത്തിലൂടെ പൃഥ്വിരാജിന് വലിയൊരു ഹിറ്റ് സമ്മാനിച്ച തിരക്കഥാകൃത്തും സംവിധായകനുമായ സച്ചിയാണ് ഈ ചിത്രം അണിയിച്ചൊരുക്കുന്നത്. ഗോൾഡ് കോയിൻ മോഷൻ പിക്ചർസിന്റെ ബാനറിൽ രഞ്ജിത്തും പി എം ശശിധരനും ചേർന്നാണ് ഈ ചിത്രം നിർമ്മിക്കുന്നത്.
അന്നാ രേഷ്മരാജൻ, രഞ്ജിത്ത്, അനുമോഹൻ ജോണി ആന്റണി, അനിൽ നെടുമങ്ങാട്, തരികിട സാബു
ഷാജു ശ്രീധർ ,ഗൗരി നന്ദ തുടങ്ങിയ താരങ്ങൾ ചിത്രത്തിൽ അണിനിരക്കുന്നുണ്ട്.
