ചിരഞ്ജീവി നായകനാകുന്ന ബിഗ് ബജറ്റ് ചിത്രമാണ് സെയ്‌റ നരസിംഹ റെഡ്‌ഡി.ചിത്രത്തിന്റെ ട്രയ്ലർ കഴിഞ്ഞ ദിവസം പുറത്തിറങ്ങിയിരുന്നു. ചരിത്രതാളുകളിൽ എഴുതപ്പെടാതെ പോയ വീരനും ബ്രിട്ടീഷിനെതിരെ ആദ്യമായി യുദ്ധം കുറിച്ചവനുമായ പോരാളിയാണ് നരസിംഹ റെഡി. അമിതാഭ് ബച്ചൻ, വിജയ് സേതുപതി, നയൻതാര, തമന്ന, ജഗപതി ബാബു എന്നിങ്ങനെ വമ്പൻ താരനിരയാണ് ചിത്രത്തിൽ അണിനിരക്കുന്നത്. സുരേന്ദർ റെഡ്‌ഡി സംവിധാനം നിർവഹിക്കുന്ന ചിത്രത്തിന്റെ നിർമാണം റാം ചരനാണ്.
ചിത്രത്തിന്റെ പ്രചരണാർത്ഥം ചിരഞ്ജീവി ഇന്ന് കൊച്ചിയിൽ എത്തിയിരുന്നു. നടൻ പൃഥ്വിരാജും ചടങ്ങിൽ പങ്കെടുത്തു.ചടങ്ങിൽ ആരും അറിയാത്ത ചില കാര്യങ്ങൾ ചിരഞ്ജീവി തുറന്ന് പറഞ്ഞു.താൻ അഭിനയിച്ച ഈ ബ്രഹ്മാണ്ഡ ചിത്രത്തിൽ അഭിനയിക്കാൻ പൃഥ്വിരാജിനേയും ക്ഷണിച്ചിരുന്നു.സുഹാസിനിയിൽ നിന്നുമാണ് പൃഥ്വിരാജിന്റെ നമ്പർ കിട്ടിയത്.ചിത്രത്തിലെ മർമ്മ പ്രധാനമാണ് ഒരു റോളും പൃഥ്വിരാജിന് ഓഫർ ചെയ്തു.എന്നാൽ ആടുജീവിതത്തിന്റെ തിരക്കുകൾ ഉള്ളതിനാൽ പൃഥ്വിരാജ് ചിത്രത്തിൽ നിന്ന് പിന്മാറുകയായിരുന്നു.ഒക്ടോബർ രണ്ടിനാണ് ചിത്രം തിയറ്ററിൽ എത്തുന്നത്.
