സൗത്ത് ഇന്ത്യൻ സിനിമകളിലെ നിറസാനിധ്യമായി മാറി, എല്ലാ ഭാഷകളിലും അഭിനയിച്ച താരമാണ് നടി പ്രിയരാമൻ. മലയാളം, തമിഴ് സിനിമകളിലാണ് പ്രിയ കൂടുതലായി അഭിനയിച്ചിട്ടുള്ളത്. ഒരുപാട് ആരാധകരെയും സ്വന്തമാക്കിയ താരം സിനിമ മേഖലയിൽ നിന്നാണ് വിവാഹം ചെയ്തതും. സിനിമയിൽ തിളങ്ങി നിൽക്കുന്ന സമയത്താണ് പ്രിയ തമിഴ് നടൻ രഞ്ജിത്തുമായി പ്രണയത്തിൽ ആയത്.
എന്നാൽ 10 വർഷങ്ങൾക്കിപ്പുറം ഇരുവരും നിയമ പരമായി പിരിഞ്ഞു.രഞ്ജിത്തുമായി ഉള്ള ബന്ധം വേര്‍പിരിഞ്ഞത് തന്നെ മാനസികമായി തളര്‍ത്തിയെന്നും കൃത്യത ഉള്ള കാര്യങ്ങളില്‍ കൂടിയേ ജീവിതത്തില്‍ വിജയിക്കാന്‍ കഴിയുകയെന്നും അനുഭങ്ങളില്‍ നിന്നും പലതും പഠിച്ചെന്നും പ്രിയ പറയുന്നു.
മറ്റുള്ളവരെ പഴി പറഞ്ഞു ജീവിച്ചിരുന്നെങ്കില്‍ ഞാനിങ്ങനെ ചിരിച്ചു കൊണ്ടിരിക്കുമായിരുന്നോ?. ആ മാറ്റം മറ്റുള്ളവരെ കാണിക്കാനല്ല. എന്നിലുള്ള വിശ്വാസം കൂട്ടാനാണ് ഞാനുപയോഗിച്ചത്. നൂറ് ശതമാനം ആലോചിച്ച് നിയമപരമായ എല്ലാ കാര്യങ്ങള്‍ക്കും ശേഷമായിരുന്നു ഞങ്ങള്‍ വേര്‍പിരിഞ്ഞത്. അതിലൊട്ടും നാടകീയത ഉണ്ടായിരുന്നില്ല. എന്താണ് വേണമെന്ന വ്യക്തമായ ധാരണ ഉണ്ടായിരുന്നു. വലിയ ചലഞ്ച് ആയിരുന്നു. മാനസികമായി, വൈകാരികമായി ഒരുപാട് പ്രയാസങ്ങള്‍ നേരിടേണ്ടി വന്നു.
