ജയസൂര്യ ട്രാൻസ് സെക്ഷ്വൽ ആയി വേഷമിട്ട ഞാൻ മേരിക്കുട്ടി ഇന്നലെ തിയറ്ററുകളിൽ റിലീസിനെത്തി. വളരെ മികച്ച പ്രതികരണമാണ് പ്രേക്ഷകരിൽ നിന്നും സിനിമാ നിരൂപകരിൽ നിന്നും സിനിമയ്ക്ക് ലഭിക്കുന്നത്.
ചിത്രത്തെ അഭിനന്ദിച്ച് ഇപ്പോൾ സംവിധായകനായ പ്രിയനന്ദനൻ ഇപ്പോൾ രംഗത്ത് വന്നിരിക്കുകയാണ്.നിരവധി കലാമൂല്യമുള്ള സിനിമകളുടെ സംവിധായകനാണ് അദ്ദേഹം.
അദ്ദേഹത്തിന്റെ പോസ്റ്റ് ചുവടെ :
മലയാളത്തിന് അഭിമാനിക്കാവുന്ന
ഒരു നടൻ എന്ന നിലയിലേക്ക് ജയസൂര്യ വളർന്നു വരുന്നതിലുള്ള സന്തോഷം മറച്ചുവെക്കാൻ കഴിയുന്നില്ല.
ഒരു നടനാവുക എളുപ്പമാണ്.
എന്നാൽ
മികച്ച ആർട്ടിസ്റ്റായി തീരുക അതത്ര എളുപ്പമല്ല
ജയൻ മികച്ച ആർട്ടിസ്റ്റായി മാറുകയാണ്
തന്റെ കഥാപാത്രങ്ങളുടെ മനോഗതിയിലൂടെയുള്ള
സഞ്ചാരവഴികൾ വെട്ടിപ്പിടിച്ചുക്കൊണ്ട് തന്നെയാണ് അയാൾ മുന്നേറുന്നത്
അപ്പോത്തിക്കിരി മുതൽ
ക്യാപ്റ്റൻ തുടങ്ങി ഞാൻ മേരിക്കുട്ടിയിലേക്കെത്തുമ്പോഴെക്കും
അയാൾ താണ്ടിയ വഴി എളുപ്പവഴിയല്ല എന്ന്
മനസ്സിലാക്കാൻ കഴിയും.
ഇനിയും അഭിനയത്തിന്റെ സൂക്ഷ്മമായ
സാദ്ധ്യതകൾ വെട്ടിപ്പിടിക്കാൻ ഈ നടന്
കഴിയട്ടെയെന്ന് ആശംസിക്കുന്നു.
