ലോകം മുഴുവനും അഞ്ച് ഭാഷകളിലായി ഈ കഴിഞ്ഞ മാര്‍ച്ച് മാസത്തില്‍ അറുപതോളം രാജ്യങ്ങളില്‍ റിലീസ് ചെയ്യാനിരുന്ന ബ്രഹ്മാണ്ഡ ചിത്രം ആയിരുന്നു മരക്കാര്‍ അറബിക്കടലിലെ സിംഹം. കോവിഡ് വ്യാപനം മൂലം അപ്രതീക്ഷിതമായി തീയേറ്റര്‍ അടച്ചുപൂട്ടുകയും ചിത്രത്തിന്റെ റിലീസ് നീളുകയുമായിരുന്നു, ഇപ്പോഴിതാ നിശ്ചയിച്ച റിലീസ് തീയതി കഴിഞ്ഞ് രണ്ടുമാസത്തിനുശേഷം ചിത്രത്തിന്റെ നിര്‍മാതാവായ ആന്റണി പെരുമ്പാവൂര്‍ ചില വെളിപ്പെടുത്തലുകള്‍ നടത്തുകയാണ്.
ആളുകള്‍ പഴയ ജീവിതത്തിലേക്ക് കടക്കുകയും എല്ലാവരും ഒരുപോലെ തീയേറ്ററുകളിലെത്തി തുടങ്ങിയിട്ട് മാത്രമേ ചിത്രം റിലീസ് ചെയ്യു എന്നാണ് അദ്ദേഹം പറയുന്നത.് രാത്രി 12 മണിക്ക് റിലീസ് ചെയ്ത് നേരം വെളുക്കുമ്പോള്‍ ആയിരം ഷോകള്‍ പിന്നിടുന്ന തരത്തിലാണ് പ്ലാന്‍ ചെയ്തിരിക്കുന്നത് എന്ന് അദ്ദേഹം കൂട്ടിച്ചേര്‍ത്തു. എല്ലാ രാജ്യങ്ങളിലും ഒരുമിച്ച് റിലീസ് ചെയ്യുന്ന രീതിയിലാണ് പ്ലാന്‍ ചെയ്തിരിക്കുന്നത് അത് അങ്ങനെ തന്നെ പ്രേക്ഷകര്‍ക്ക് മുന്നിലെത്തുമെന്നും അദ്ദേഹം വാക്കു തന്നു.
സോഷ്യല്‍ മീഡിയയില്‍ വലിയ രീതിയിലാണ് ചിത്രത്തിന്റെ ക്യാരക്ടര്‍ പോസ്റ്ററുകളും സ്‌നീക് പീക് വീഡിയോയും തരംഗം സൃഷ്ടിച്ചത.് മോഹന്‍ലാലിനൊപ്പം തന്നെ നിരവധി തെന്നിന്ത്യന്‍ താരങ്ങള്‍ അണിനിരക്കുന്ന ചിത്രം കാണാന്‍ പ്രേക്ഷകര്‍ കാത്തിരിപ്പിലാണ്.മഞ്ജു വാര്യര്‍, പ്രണവ് മോഹന്‍ലാല്‍, കല്യാണി പ്രിയദര്‍ശന്‍, സുഹാസിനി, ഇന്നസെന്റ്, മുകേഷ്, ഗണേഷ്, കീര്‍ത്തി സുരേഷ് ,പ്രഭു തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്.
