മലയാള സിനിമയിലെ പ്രമുഖ നിർമാതാക്കളിൽ ഒരാളാണ് ആന്റണി പെരുമ്പാവൂർ. ആശിർവാദ് സിനിമാസ് എന്ന ബാനറിൽ മോഹൻലാൽ ചിത്രങ്ങൾ നിർമിച്ചു തുടങ്ങിയതോടെയാണ് നിർമാണ് രംഗത്ത് ആന്റണി പെരുമ്പാവൂർ സജീവമായത്. ഇപ്പോൾ കൊച്ചിയിൽ അവധിക്കാല വസതി സ്വന്തമാക്കിയിരിക്കുകയാണ് ആന്റണി പെരുമ്പാവൂർ. ആന്റണിയുടെ അവധിക്കാല വസതിയുടെ വീഡിയോയും ചിത്രങ്ങളും ഇതിനകം സോഷ്യൽമീഡിയയിൽ വൈറലായിരിക്കുകയാണ്.
നടനും സംവിധായകനും തിരക്കഥാകൃത്തുമായ അനൂപ് മേനോനാണ് ഈ ആഡംബര ഫ്ലാറ്റിന്റെ വീഡിയോ സോഷ്യൽ മീഡിയയിൽ പങ്കുവെച്ചിരിക്കുന്നത്. അനൂപ് മേനോൻ ബ്രാൻഡ് അംബാസിഡറായ ഡിലൈഫ് ആണ് ഈ ആഡംബരഫ്ലാറ്റ് ഒരുക്കിയിരിക്കുന്നത്. ‘DLIFE ന്റെ ബ്രാൻഡ് അംബാസഡറായി ഞാൻ വന്നിട്ട് 7 വർഷമായി. കമ്പനിയുടെ വളർച്ച കാണുന്നതിൽ സന്തോഷമുണ്ട്. കേരളം കണ്ട ഏറ്റവും മികച്ചതും ഒരുപക്ഷേ ഏറ്റവും വലിയതുമായ ഒരു ചെറിയ സ്ഥാപനമായ ഇന്റീരിയർ ഡെക്കോർ ഗ്രൂപ്പ്. ഇതാ നിങ്ങളുടെ മുമ്പിൽ അവതരിപ്പിക്കുന്നു ഞങ്ങളുടെ ഏറ്റവും പുതിയത്. മിസ്റ്റർ ആന്റണി പെരുമ്പാവൂരിന്റെ (കേരളം കണ്ട ഏറ്റവും വിജയകരമായ നിർമ്മാതാവ്) അപ്പാർട്ട്മെന്റ് ഇതാ. ഒരു കുടക്കീഴിൽ ഒത്തുചേരുന്ന രണ്ട് മികച്ച വിജയഗാഥകൾ.. പ്രിയപ്പെട്ടവരേ, ഒന്ന് കണ്ടുനോക്കൂ.’ – എന്ന കുറിപ്പോടു കൂടിയാണ് അനൂപ് അപ്പാർട്ട്മെന്റിന്റെ വീഡിയോ പങ്കുവെച്ചിരിക്കുന്നത്.
ഡ്രൈവറായി മലയാള സിനിമയിൽ എത്തിയ ആന്റണി നടൻ മോഹൻലാലിന്റെ ഡ്രൈവർ ആയി മാറിയതാണ് അദ്ദേഹത്തിന്റെ ജീവിതത്തിൽ തന്നെ വലിയ വഴിത്തിരിവായത്. ഡ്രൈവറായി എത്തിയ ആന്റണി പിന്നീട് മോഹൻലാൽ എന്ന നടന്റെ മാനേജരും സുഹൃത്തുമൊക്കെ ആയി മാറുകയായിരുന്നു. ഏകദേശം 26 ഓളം സിനിമകളിൽ ചെറിയ വേഷങ്ങളിൽ പ്രത്യക്ഷപ്പെട്ടിട്ടുണ്ട്. കഴിഞ്ഞയിടെ താരസംഘടനയായ അമ്മയിൽ അംഗത്വം നേടുകയും ചെയ്തിരുന്നു.
View this post on Instagram
