നടി മഹാലക്ഷ്മിയും തമിഴ് സിനിമാ നിര്മാതാവ് രവീന്ദര് ചന്ദ്രശേഖരനും വിവാഹിതരായി. തിരുപ്പതിയില് വച്ച് നടന്ന ചടങ്ങില് അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ഏറെ നാളത്തെ പ്രണയത്തിനൊടുവിലാണ് ഇരുവരും വിവാഹിതരായത്. രണ്ടുപേരുടെയും രണ്ടാം വിവാഹമാണിത്.
രവീന്ദറും മഹാലക്ഷ്മിയും തങ്ങളുടെ സോഷ്യല് മീഡിയ പേജിലൂടെ വിവാഹ ഫോട്ടോകള് പങ്കുവച്ചിട്ടുണ്ട്. സിനിമയ്ക്ക് അകത്തും പുറത്തുമുള്ള നിരവധി പേരാണ് ഇരുവര്ക്കും ആശംസകളുമായി രംഗത്തെത്തുന്നത്.
വിടിയും വരൈ കാത്തിര് എന്ന ചിത്രത്തില് മഹാലക്ഷ്മിയാണ് പ്രധാന കഥാപാത്രത്തെ അവതരിപ്പിക്കുന്നത്. രവീന്ദറാണ് ഈ ചിത്രം നിര്മിക്കുന്നത്. ഇതിന്റെ സെറ്റില് വച്ചാണ് ഇരുവരും കാണുന്നതും പ്രണയത്തിലാകുന്നതെന്നുമാണ് റിപ്പോര്ട്ടുകള്. അവതാരക കൂടിയാണ് മഹാലക്ഷ്മി. തമിഴിലെ പ്രശസ്ത നിര്മാണ കമ്പനിയായ ലിബ്ര പ്രൊഡക്ഷന്റെ ഉടമയാണ് രവീന്ദര്.