രാജു ചന്ദ്ര തിരക്കഥയെഴുതി സംവിധാനം ചെയ്യുന്ന ‘ജിമ്മി ഈ വീടിന്റെ ഐശ്വര്യം’.ശിക്കാരി ശംഭു എന്ന സിനിമയുടെ എഴുത്തുകാരിൽ ഒരാളായ രാജു ചന്ദ്ര ആദ്യമായി തിരക്കഥയെഴുതി സംവിധാനം ചെയുന്ന ചിത്രമാണ് ‘ജിമ്മി ഈ വീടിന്റെ ഐശ്വര്യം’. ഗോൾഡൻ എസ് പിക്ച്ചറിന്റെ ബാനറിൽ സിനോ ജോൺ തോമസ്, ശ്യാംകുമാർ എസ് എന്നിവർ ചേർന്നാണ് നിർമ്മാണം. ഹോളിവുഡ് സിനിമയിൽ അഭിനയിച്ച സൂപ്പർ ഡോഗ് ആദ്യമായി ഒരു ഇന്ത്യൻ സിനിമയിൽ അഭിനയിക്കുന്നു എന്ന പ്രത്യേകത കൂടി ഈ സിനിമയ്ക്കുണ്ട്.
ചിത്രത്തിന്റെ റിലീസിംഗിന് മുൻപ് ചിത്രം നേരിടേണ്ടി വന്ന പ്രശ്നങ്ങളെ കുറിച്ച് മനസ്സ് തുറക്കയുകയാണ് നിർമാതാക്കൾ ഇപ്പോൾ. ചിത്രത്തിന്റെ ആദ്യ പ്രൊഡ്യൂസറുമായുള്ള പ്രശ്നത്തെ തുടർന്ന് ചിത്രത്തിന് വേണ്ടി ഒരു പോസ്റ്റർ പോലും ഒട്ടികാൻ സാധിച്ചില്ല.സിനിമയെ പാതിവഴിയിൽ ഉപേക്ഷിച്ച ആദ്യ പ്രൊഡ്യൂസറിൽ നിന്നും ഈ സിനിമ ഏറ്റെടുക്കുകയായിരുന്നു ചിത്രത്തിന്റെ ഇപ്പോളത്തെ നിർമാതാക്കളായ സിനോ ജോൺ തോമസ്, ശ്യാംകുമാർ എസ് എന്നിവർ.ഇതിനിടെ ചിത്രം മികച്ച റിപ്പോർട്ടുകൾ സ്വന്തമാക്കി പ്രദർശനം തുടരുകയാണ്.
മിഥുൻ രമേശ്, ദിവ്യ പിള്ള എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. കൂടാതെ സുരാജ് വെഞ്ഞാറമൂട്, ഹരീഷ് കണാരൻ, ജോയ് മാത്യു, ഇടവേള ബാബു, ജോണി ആന്റണി, നിർമൽ പാലാഴി, സുനിൽ സുഗത, ശശി കലിംഗ, സുബീഷ് സുധി, നിസാം കാലിക്കറ്റ്, ശ്രീജ രവി, വീണ നായർ, അഷ്റഫ് പിലാക്കൽ, നിഷ മാത്യു എന്നിവരും അണിനിരക്കുന്നു.
ഗാന രചന: സന്തോഷ് വർമ, സംഗീതം-എം ജയചന്ദ്രൻ, ആലാപനം: വിജയ് യേശുദാസ്. ഛായാഗ്രഹണം അനിൽ ഈശ്വർ, കഥ അനൂപ് മോഹൻ, ചിത്ര സംയോജനം സുനിൽ എസ് പിള്ള, പശ്ചാത്തല സംഗീതം അരുൺ മുരളീധരൻ, സഹസംവിധായകർ-ഷാൻ തുളസി, ബിനു ബാലൻ കല ക്രയൺ ജയൻ, മേക്കപ്പ് – അമൽ, പ്രൊഡക്ഷൻ കൺട്രോളർ ശ്രീകുമാർ ചെന്നിത്തല, സ്ക്രിപ്റ്റ് -അസോസിയേറ്റ് ഷാനവാസ് അബ്ബാസ്. വസ്ത്രാലങ്കാരം-നിസാർ റഹ്മത്ത്, പി ആർ ഒ വാഴൂർ ജോസ്, അതിര ദിൽജിത്ത് സ്റ്റിൽസ് ടോം ജി ഒറ്റപ്ലാവ്.
