ഒരുകാലത്ത് മലയാള സിനിമ ഭരിച്ച ജനപ്രിയ നായകന്മാരിൽ ഒരാളാണ് റഹ്മാൻ. ഇപ്പോൾ മണി രത്നം ഒരുക്കുന്ന പൊന്നിയില്‍ സെല്‍വന്‍ എന്ന ബിഗ് ബജറ്റ് ബ്രഹ്മാണ്ഡ ചിത്രത്തില്‍ ആണ് റഹ്മാന്‍ അഭിനയിക്കുന്നത്. ചിത്രത്തില്‍ ഗംഭീര മേക് ഓവറില്‍ എത്തുന്ന താരം അതിനു വേണ്ടി ജിമ്മില്‍ കഠിനമായി വര്‍ക്ക് ഔട്ട് ചെയ്യുന്ന ചിത്രങ്ങള്‍ സോഷ്യല്‍ മീഡിയ വഴി പങ്കു വെച്ചിരുന്നു.
സ്ക്രീൻ ടെസ്റ്റ് എന്ന ഹാഷ്ടാഗോടുകൂടി റഹ്മാൻ ഇപ്പോൾ സോഷ്യൽ മീഡിയയിൽ പങ്കുവെച്ച ചിത്രമാണ് തരംഗം സൃഷ്ടിക്കുന്നത്. മുടി നീട്ടി വളർത്തി കുഞ്ഞു കുട്ടികളെപ്പോലെ മുടി കെട്ടി വച്ചിരിക്കുന്ന റഹ്മാന്റെ ചിത്രമാണ് ആരാധകർ ഇപ്പോൾ ഏറ്റെടുക്കുന്നത്. ഇത് ഏതാണ് ഈ വാവ. വീണ്ടും ചെറുപ്പം ആയോ എന്നു തുടങ്ങി നിരവധി കമന്റുകൾ ആണ് ചിത്രത്തെ തേടിയെത്തുന്നത്. ഇപ്പോൾ ഒരു 28 വയസ്സ് തോന്നിക്കുന്നെ ഉള്ളൂ എന്നു തുടങ്ങി നിരവധി കമന്റുകളും എത്തുന്നുണ്ട്.
