മലയാള സിനിമ പ്രേക്ഷകരും മോഹൻലാൽ, പൃഥ്വിരാജ് ആരാധകരും ഏറെ ആവേശത്തോടെ കാത്തിരിക്കുന്ന ചിത്രമാണ് ലുസിഫർ.പൃഥ്വിരാജ് ആദ്യമായി സംവിധാനം ചെയ്യുന്ന ചിത്രം ഒരു പൊളിറ്റിക്കൽ ത്രില്ലർ ആകുമെന്ന് ആണ് പറയപ്പെടുന്നത്.
ചിത്രത്തിന്റെ ഷൂട്ടിങ് വണ്ടിപ്പെരിയാറിൽ ആരംഭിച്ചിരുന്നു.ആദ്യ ദിനം മുതൽ തന്നെ ചിത്രത്തിന്റെ സ്റ്റില്ലുകൾ ലൊക്കേഷനിൽ നിന്ന് പുറത്തായിരുന്നു.ചിത്രത്തിൽ മോഹൻലാൽ ഉപയോഗിക്കുന്ന വാഹനത്തിന്റേത് ഉൾപ്പടെയുള്ള ചിത്രങ്ങളാണ് പുറത്ത് വന്നത്.
എന്നാൽ ലൊക്കേഷനിൽ ഇപ്പോൾ കനത്ത മഴയാണ്.കനത്ത മഴയെ തുടർന്ന് ഷൂട്ടിംഗ് പലപ്പോഴും തടസ്സപ്പെടുന്ന നിലയിൽ.പൃഥ്വിരാജ് തന്നെയാണ് ഇൻസ്റ്റാഗ്രാമിൽ കൂടി വിവരം പങ്കു വെച്ചത്.മൾട്ടിപ്പിൾ ക്യാമറകൾ സെറ്റ് ചെയ്ത് ഷൂട്ടിങ് തുടങ്ങാനിരിക്കുമ്പോഴാണ് മഴ വില്ലനായി എത്തിയത്. മുഴുവൻ ടീമിനെയും ദിവസം മുഴുവൻ മഴ കാത്തിരിപ്പിച്ചുവെന്നും പൃഥ്വി പറയുന്നു.
