തൻ്റെ കുടുംബത്തോടൊപ്പം വിപുലമായി ദീപാവലി ആഘോഷിക്കുന്ന രജനീകാന്തിൻ്റെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. മകളായ സൗന്ദര്യ രജനീകാന്ത് ദീപാവലി ആശംസകളും നേർന്നു. കൊച്ചുകുട്ടികളെപ്പോലെ പൂത്തിരി ഒക്കെ കത്തിച്ച് വളരെ സന്തോഷം ആയിട്ടാണ് അവർ ദീപാവലി ആഘോഷിച്ചത്. ഭാര്യയായ ലതയും രജനികാന്തിനോട് ഒപ്പമുണ്ട്. സൗന്ദര്യ രജനികാന്ത് തന്നെയാണ് സോഷ്യൽ മീഡിയയിലൂടെ ഈ ചിത്രങ്ങൾ ആരാധകർക്കായി പങ്കുവച്ചത്. ചിത്രം പങ്കുവച്ച് നിമിഷനേരങ്ങൾക്കുള്ളിൽ ആരാധകർ ഈ ചിത്രം ഏറ്റെടുത്തു.
ചെന്നൈയിലെ സ്വന്തം വീട്ടിലായിരുന്നു ദീപാവലി ആഘോഷിച്ചത്. ഭാര്യക്കും പേരക്കുട്ടികൾക്കും ഒപ്പം പൂത്തിരി കത്തിക്കുന്ന രജനികാന്തിനെ ചിത്രങ്ങളിൽ കാണുവാൻ സാധിക്കും. എല്ലാവര്‍ക്കും സുരക്ഷിതവും സന്തോഷകരവുമായ ദീപാവലി ഞങ്ങളുടെ കുടുംബം ആശംസിക്കുന്നു. സ്‍നേഹവും പോസിറ്റിവിറ്റിയും പരക്കട്ടെ. ദൈവത്തില്‍ വിശ്വസിക്കൂ. ദൈവവും ഗുരുക്കളെ എപ്പോഴും നിങ്ങളെ അനുഗ്രഹിക്കട്ടെ എന്നും ദീപാവലി ആശംസകൾ നേർന്നു കൊണ്ട് സൗന്ദര്യ രജനീകാന്ത് പറഞ്ഞു.
