തനി സാധാരണക്കാരനായ സ്റ്റേജ് ഗായകൻ കലാസദൻ ഉല്ലാസായി മമ്മൂക്ക എത്തുന്ന രമേഷ് പിഷാരടി ചിത്രം ഗാനഗന്ധർവ്വൻ ഈ വെള്ളിയാഴ്ച തീയറ്ററുകളിൽ എത്തുവാൻ ഒരുങ്ങുകയാണ്. പഞ്ചവർണ്ണതത്തക്ക് ശേഷം രമേഷ് പിഷാരടി സംവിധാനം ചെയ്യുന്ന രണ്ടാമത്തെ ചിത്രമായ ഗാനഗന്ധർവനിൽ മമ്മൂട്ടി ഇന്നേവരെ അവതരിപ്പിച്ചിട്ടില്ലാത്ത ഒരു കഥാപാത്രത്തെയാണ് പ്രേക്ഷകർക്ക് മുന്നിലേക്ക് എത്തിക്കുന്നത്. സംവിധാനം ചെയ്യുന്ന ചിത്രത്തിൽ അഭിനയിക്കുന്നുണ്ടോ എന്ന ചോദ്യത്തിന് രസകരമായ ഒരു മറുപടി നൽകിയിരിക്കുകയാണ് രമേഷ് പിഷാരടി. എന്നിലെ സംവിധായകന് എന്നിലെ നടനെ ഇഷ്ടമല്ല. അതിനാൽ വേഷം കൊടുത്തില്ല എന്ന് സ്വതസിദ്ധമായ നർമ്മരീതിയിൽ തന്നെയാണ് രമേഷ് പിഷാരടി മറുപടി പറഞ്ഞത്.
രമേഷ് പിഷാരടിയും ഹരി പി നായരും ചേര്‍ന്ന് കഥയും തിരക്കഥയും സംഭാഷണവും ഒരുക്കിയിരിക്കുന്ന ഗാനഗന്ധര്‍വ്വനില്‍ മുകേഷ്, ഇന്നസെന്റ്, സിദ്ധിഖ്, സലിം കുമാര്‍, ധര്‍മജന്‍ ബോള്‍ഗാട്ടി, ഹരീഷ് കണാരന്‍, മനോജ് കെ ജയന്‍, സുരേഷ് കൃഷ്ണ, മണിയന്‍ പിള്ള രാജു, കുഞ്ചന്‍, അശോകന്‍, സുനില്‍ സുഖദ, അതുല്യ, ശാന്തി പ്രിയ എന്നിവരും അഭിനയിക്കുന്നുണ്ട്.
