പ്രശസ്ത തിരക്കഥാകൃത്തും അനാർക്കലി, അയ്യപ്പനും കോശിയും എന്നീ രണ്ടു സൂപ്പർഹിറ്റ് ചിത്രങ്ങളുടെ സംവിധായകനുമായ സച്ചിയുടെ വേർപാട് വേദനാജനകമായിരുന്നു. സച്ചിക്ക് ആദരാഞ്ജലികൾ അർപ്പിച്ച് നിരവധി വ്യക്തികൾ സോഷ്യൽ മീഡിയയിൽ പോസ്റ്റുകൾ ഇട്ടിരുന്നു. ഇപ്പോൾ സച്ചിക്കൊപ്പമുള്ളള ഒരു ചിത്രം പങ്കുവെച്ചുകൊണ്ട് എന്റെ പാതി പോയി എന്ന് രഞ്ജിത്ത് കുറിച്ചിരിക്കുകയാണ്. സിനിമയെക്കാൾ ഉപരി സച്ചി തനിക്ക് സഹോദരതുല്യൻ ആയിരുന്നു എന്ന് രഞ്ജിത്ത് പറയുന്നു. സച്ചിയുടെ അവസാനനാളുകളിൽ എല്ലാ കാര്യങ്ങളിലും മുന്നിൽ നിന്ന് ചെയ്തത് രഞ്ജിത്ത് ആയിരുന്നു.
തൃശൂർ ജൂബിലി ഹോസ്പിറ്റലിൽ വെച്ചായിരുന്നു അന്ത്യം. അൻപത് വയസ്സായിരുന്നു. രണ്ട് ദിവസം മുൻപ് ആശുപത്രിയിൽ അഡ്‌മിറ്റായ സച്ചിക്ക് നടുവിന് രണ്ടു സർജറികൾ ആവശ്യമായിരുന്നു. ആദ്യ സർജറി വിജയകരമായിരുന്നുവെങ്കിലും രണ്ടാമത്തെ സർജറിക്കായി അനസ്‌തേഷ്യ നൽകിയപ്പോൾ ഹൃദയാഘാതം ഉണ്ടായിയെന്നാണ് അറിയുവാൻ കഴിയുന്നത്. അതിനെ തുടർന്ന് ഗുരുതരാവസ്ഥയിലായ സച്ചിയുടെ തലച്ചോർ പ്രതികരിക്കുന്നിലായിരുന്നു . വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തി പോന്നത്. ജൂൺ 19ന് വൈകിട്ട് 3.30നു രവിപുരം ശ്മശാനത്തിൽ സച്ചിയുടെ ഭൗതികദേഹം ഔദ്യോഗിക ബഹുമതികളോടെ സംസ്കരിച്ചു.
