ഓരോ ചിത്രം കഴിയുംതോറും തിളക്കം ഏറി വരുന്ന ഒരു പേരാണ് ലിജോ ജോസ് പെല്ലിശ്ശേരി. അദ്ദേഹത്തിന്റെ ചിത്രങ്ങൾക്ക് വേണ്ടി കാത്തിരിക്കുകയാണ് പ്രേക്ഷകർ. മലയാള സിനിമയുടെ ചരിത്രത്തിലെ ഏറ്റവും മികച സംവിധായകരുടെ നിരയിലേക്ക് അദ്ദേഹം എത്തിയിരിക്കുന്നു. അദ്ദേഹമിപ്പോൾ പുതിയ ചിത്രമായ ജെല്ലിക്കെട്ടിന്റെ പോസ്റ്റ് പ്രൊഡക്ഷൻ വർക്കുകളിലാണ്. ചിത്രത്തിന്റെ റിലീസിന് മുമ്പെ തന്നെ പോസ്റ്റ് പ്രൊഡക്ഷൻ വേർഷൻ കണ്ടു അതിഗംഭീരം അഭിപ്രായമാണ് പ്രേക്ഷകർക്ക് ഉള്ളത്. താരങ്ങളും മികച്ച അഭിപ്രായങ്ങൾ രേഖപ്പെടുത്തിയിട്ടുണ്ട്.അടുത്തിടെ ജെല്ലിക്കെട്ടിന്റെ അത്തരം വേർഷൻ കണ്ട ഇന്ദ്രജിത് സുകുമാരൻ അതി ഗംഭീര റിപ്പോർട്ടാണ് നൽകിയിരിക്കുന്നത്.
ഇപ്പോളിതാ സംവിധായകയും നടിയുമായ ഗീതു മോഹൻദാസും, ബോളിവുഡ് സംവിധായകൻ അനുരാഗ് കശ്യപും തങ്ങളുടെ അഭിപ്രായങ്ങൾ പങ്കു വച്ചിരിക്കുകയാണ്. ഗീതുവിന്റെ കുറിപ്പിൽ ഇതൊരു മാജിക് ആണെന്നാണ് പറയുന്നത്. ചിത്രത്തിൽ നായകനാവുന്നത് ആന്റണി വർഗീസ് ആണ്. തോമസ് പണിക്കർ നിർമിക്കുന്ന ചിത്രത്തിന്റെ രചന നിർവഹിക്കുന്നത് എസ് ഹരീഷും ആർ ജയകുമാറുമാണ്. ഗിരീഷ് ഗംഗാധരൻ ക്യാമറയും ദീപു ജോസഫ് എഡിറ്റിങും പ്രശാന്ത് പിള്ള സംഗീതവും കൈകാര്യം ചെയ്യുന്നു.
