സീരിയല്‍ നടി റബേക്ക സന്തോഷ് വിവാഹിതയായി. യുവ സംവിധായകന്‍ ശ്രീജിത്ത് വിജയനാണ് വരന്‍. കഴിഞ്ഞ ഫെബ്രുവരി 14ന് വീട്ടുകാരും സുഹൃത്തുക്കളും പങ്കെടുത്ത ചടങ്ങില്‍ വച്ചായിരുന്നു വിവാഹനിശ്ചയം. കുഞ്ചാക്കോ ബോബന്‍ ഉള്‍പ്പടെയുള്ള താരങ്ങള്‍ പങ്കെടുത്ത ചടങ്ങിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു.
കുഞ്ഞിക്കൂനന്‍ എന്ന സീരിയലിലൂടെയാണ് അഭിനയരംഗത്തെത്തിയ റബേക്ക കസ്തൂരിമാന്‍ എന്ന സീരിയലിലെ കാവ്യ എന്ന കഥാപാത്രത്തിലൂടെയാണ് പ്രശസ്തയാകുന്നത്. കുട്ടനാടന്‍ മാര്‍പാപ്പയിലൂടെയാണ് ശ്രീജിത്ത് സംവിധാന രംഗത്ത് എത്തുന്നത്. ബിബിന്‍ ജോര്‍ജ് നായകനായ മാര്‍ഗംകളി ഒരുക്കിയതും ശ്രീജിത്ത് വിജയനായിരുന്നു.
ഇപ്പോഴിതാ വിവാഹ ആഘോഷങ്ങൾക്കിടയിൽ മിനി സ്‌ക്രീൻ താരങ്ങളായ ഹരിതയയെയും പ്രതീക്ഷയെയും സ്വിമ്മിങ്ങ് പൂളിൽ തള്ളിയിടുന്ന റബേക്കായുടെ വീഡിയോ സോഷ്യൽ മീഡിയ കീഴടക്കുകയാണ്. ‘എന്തൊരു കോമാളിത്തരം ആണ് ഇതിനൊക്കെ വട്ടാണോ’, ‘പക്വതയുള്ള കല്യാണപെണ്ണ്.ഇതിനെയൊക്കെ വേണം കുടുംബത്ത് ഇരുത്താൻ😲🤭’ എന്നെല്ലാമാണ് പ്രേക്ഷകർ ഇതിന് കമന്റ് ഇടുന്നത്.
