മലയാള സിനിമ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് നിവിൻ പോളി നായകനായി എത്തുന്ന കായംകുളം കൊച്ചുണ്ണി.നിവിന്റെ നായികയായി തമിഴ് സുന്ദരി പ്രിയ ആനന്ദ് വേഷമിടുന്നു.
ചിത്രത്തിൽ ഇത്തിക്കര പക്കിയായി മോഹൻലാൽ ഗസ്റ്റ് റോളിൽ എത്തുന്നുണ്ട്.വലിയ താരനിര തന്നെയാണ് ചിത്രത്തിൽ ഉള്ളത്.
റിലീസിന് മുൻപേ തന്നെ റെക്കോർഡുകൾ പലതും ഈ ബ്രഹ്മാണ്ഡ ചിത്രത്തിന് മുൻപിൽ കടപുഴകി വീഴുവാൻ തുടങ്ങിയിട്ടുണ്ട്.ഇപ്പോഴിതാ ഓവര്‍സീസ് റൈറ്‌സിലും റെക്കോഡ് തുക സ്വന്തമാക്കിയിരിക്കുകയാണ് ഈ ചിത്രം. നിലവില്‍ ഉള്ള എല്ലാ റെക്കോഡും തകര്‍ത്തു കൊണ്ടാണ് ഫാര്‍സ് ഫിലിംസ് ആണ് ചിത്രത്തിന്റെ ഓവർസീസ് അവകാശം സ്വന്തമാക്കിയത്.എന്നാൽ തുക എത്രയാണെന്ന് അണിയറ പ്രവർത്തകർ പുറത്ത് വിട്ടിട്ടില്ല.
കേരളത്തിൽ ആഗസ്റ്റ് 15ന് ചിത്രം റിലീസ് ചെയ്യുമ്പോൾ ഓവർസീസിൽ ചിത്രം ഒരു ദിവസം വൈകി ആഗസ്റ്റ് 16ന് റിലീസ് ചെയ്യും.മുന്നൂറോളം തിയറ്ററുകളിൽ ആണ് ചിത്രം കേരളത്തിൽ റിലീസിനെത്തുന്നത്. റെക്കോർഡ് ഫസ്റ്റ് ഡേ കളക്ഷനാണ് അണിയറ പ്രവർത്തകർ പ്രതീക്ഷിക്കുന്നത്.
