കൊച്ചി മെട്രോ ഓടി തുടങ്ങി കുറച്ചു നാൾ കഴിഞ്ഞപ്പോൾ തന്നെ മെട്രോയിലെ പാമ്പ് എന്ന ഫേക്ക് ന്യൂസിന് ഇരയായ എൽദോയായി സുരാജ് വെഞ്ഞാറമൂട് എത്തുന്നു. സുരാജും സൗബിനും ഒന്നിക്കുന്ന വികൃതിയിലാണ് സംസാര ശേഷിയില്ലാത്ത ആ എൽദോയുടെ റോൾ സുരാജ് വെഞ്ഞാറമൂട് ചെയ്യുന്നത്. അങ്കമാലി കിടങ്ങൂരിലെ എല്‍ദോയെന്ന വ്യക്തിയുടെ ചിത്രമാണ് ”മെട്രോയിലെ പാമ്പ്” എന്ന പേരില്‍ പ്രചരിപ്പിക്കപ്പെട്ടത്. ഏറണാകുളത്ത് ചികിത്സയില്‍ കഴിയുന്ന അനുജനെ ഓര്‍ത്തുള്ള വിഷമം കൊണ്ട് കിടന്നുപോയതായിരുന്നു എല്‍ദോ. എല്‍ദോയ്ക്ക് എതിരെ നടന്ന വ്യാജ പ്രചാരണങ്ങള്‍ക്ക് എതിരെ അന്ന് മുഖ്യമന്ത്രി പിണറായി വിജയന്‍ അടക്കമുള്ള ആളുകള്‍ രംഗത്തെത്തിയിരുന്നു.
നവാഗതനായ എം.സി ജോസഫ് സംവിധാനം ചെയ്യുന്ന വികൃതിയിലൂടെയാണ് എല്‍ദോയുടെ കഥ സിനിമയാകുന്നത്. സുരാജ് വെഞ്ഞാറമൂടാണ് എല്‍ദോയായി ചിത്രത്തില്‍ എത്തുന്നത്. സുരാജിന്റെ ഭാര്യയായി സുരഭി ലക്ഷിമിയും വേഷമിടുന്നു. സംസാരശേഷിയില്ലാത്ത കഥാപാത്രങ്ങളായിട്ടാണ് ഇരുവരും എത്തുന്നത്. സിനിമയ്ക്കായി ഇരുവരും ആംഗ്യ ഭാഷയില്‍ പ്രത്യേക പരിശീലനം നേടിയിരുന്നു.
യുടെ ഓഡിയോ ലോഞ്ച് കൊച്ചിയില്‍ നടന്നു. ചിത്രത്തില്‍ സമീര്‍ എന്ന കഥാപാത്രത്തെയാണ് സൗബിന്‍ അവതരിപ്പിക്കുന്നത്. ചിത്രം ഒക്ടോബര്‍ നാലിന് റിലീസ് ചെയ്യും.
പുതുമുഖം വിന്‍സിയാണ് ചിത്രത്തിലെ നായിക. ബാബുരാജ്, ഭഗത് മാന്വല്‍, സുധി കോപ്പ, ഇര്‍ഷാദ്, ജാഫര്‍ ഇടുക്കി, സുധീര്‍ കരമന തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍.
കട്ട് 2 ക്രിയേറ്റീവ് പിക്‌ചേഴ്‌സിന്റെ ബാനറില്‍ എ.ഡി ശ്രീകുമാര്‍, ഗണേഷ് മേനോന്‍ , ലക്ഷ്മി വാര്യര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ആര്‍ബിയാണ് ഛായാഗ്രഹണം.അജീഷ് പി.തോമസ്സ് കഥയുെ തിരക്കഥയെഴുതുന്ന ചിത്രത്തിന്റെ സംഭാഷണം ജോസഫ് വിജീഷ്, അനൂപ് എന്നിവരാണ്.
