ഹൊറർ സിനിമയുടെയും, ക്രൈം, കോമഡി, ആക്ഷൻ തുടങ്ങിയ സിനിമകളുടെയും ലിസ്റ്റ് ചോദിച്ചാൽ എല്ലാവരും ഇഷ്ടം പോലെ തരാറുണ്ട്, എന്നാൽ ശബ്ദത്തിനു പ്രാധാന്യം നൽകിയുള്ള സിനിമകളുടെ ലിസ്റ്റ് അധികം കണ്ടിട്ടില്ല… പുതിയ സ്പീക്കർ ഹോം തീയറ്റർ ഒക്കെ മേടിക്കുമ്പോൾ പലർക്കും ശബ്ദത്തിനു പ്രാധാന്യം ഉള്ള ചിത്രങ്ങൾ കാണാൻ ആഗ്രഹം തോന്നാറുണ്ട്, നിങ്ങൾ കണ്ടിട്ടുള്ള (കേട്ടിട്ടുള്ള ) അങ്ങനെ ഉള്ള ഫിലിം/ഡോക്യുമെന്ററി തുടങ്ങിയ ഉണ്ടെങ്കിൽ ദയവായി കമന്റ്‌ ചെയ്യുക…..
ചില ഫേസ്ബുക്ക് ഗ്രൂപ്പുകളിൽ നിഷാദ് പേരുവ എന്ന ചെറുപ്പക്കാരൻ കുറിച്ച പോസ്റ്റാണ് മുകളിൽ ഉള്ളത്. എന്നാൽ ഒരു ഗ്രൂപ്പിൽ നിന്നും അദ്ദേഹത്തിന് തൃപ്തികരമായ ഉത്തരം ലഭിച്ചില്ല. ഒടുവിൽ ഈ ചോദ്യത്തിന് ഉത്തരം തരാൻ ഏറ്റവും കൂടുതൽ യോഗ്യത ഉള്ള ആളോട് തന്നെ ചോദ്യം ചോദിച്ചു. ഉത്തരവും കിട്ടി.. അതിന്റെ സന്തോഷം ഇപ്പോൾ ഫേസ്ബുക്കിൽ കൂടി പങ്കുവെക്കുകയാണ് അദ്ദേഹം.
ഫേസ്ബുക്ക് പോസ്റ്റ് ചുവടെ :
മൂന്നുനാലു സിനിമാ ഗ്രൂപ്പുകളിൽ ഈ ചോദ്യം ഞാൻ ഇട്ടിട്ടു ഒരിടത്തുനിന്നും തന്നെ ഒരു തൃപ്തികരമായ ഉത്തരം ആരും തന്നില്ല , പലർക്കും അറിയില്ല എന്നത് തന്നെയാവും സത്യം , പിന്നെ ചുമ്മാ ഒന്ന് ഓർത്തപ്പോൾ ഈ ഫീൽഡിൽ തന്നെ ഉള്ള ആൾക്കാർക്ക് ഇതിനുത്തരം അറിയാമായിരിക്കും എന്ന് തോന്നി , ചോദിച്ചു ഉത്തരവും കിട്ടി …..
താല്പര്യം ഉള്ളവർക്ക് കണ്ടു (കേട്ടു ) നോക്കാം …..മറുപടിക്കു ഒരുപാട് നന്ദി പ്രിയ റസൂൽ പൂക്കുട്ടി സാർ ….
