രാംഗോപാൽ വർമ്മ ഒരുക്കിയ നേക്കഡിലെ നായിക സ്വീറ്റി തെലുങ്ക് നടി രാഷി ഖന്നയ്ക്കെതിരെ ആരോപണവുമായി രംഗത്ത്. നേരത്തെ കോസ്റ്റ്യൂം ഡിസൈനര്‍ ആയി ജോലി ചെയ്തിരുന്ന സ്വീറ്റിയുടെ യഥാര്‍ത്ഥ പേര് ശ്രീ രാപക എന്നാണ്. ആ സമയത്ത് തന്റെ ആത്മാഭിമാനം റാഷി ഖന്ന വൃണപ്പെടുത്തിയെന്നാണ് സ്വീറ്റിയുടെ ആരോപണം. ഡാന്‍സ് മാസ്റ്റര്‍ രാജു സുന്ദരം മാസ്റ്ററോടും റാഷിയുടെ പെരുമാറ്റത്തെ കുറിച്ച് താന്‍ സെറ്റില്‍ വെച്ച് പറഞ്ഞതായും സ്വീറ്റി ഒരു തെലുങ്ക് മാധ്യമത്തോട് പറഞ്ഞു.
സുപ്രീം എന്ന സിനിമയില്‍ ഞാനായിരുന്നു കോസ്റ്റ്യൂം ഡിസൈനര്‍. മൂന്ന് മണിയായപ്പോള്‍ സാരിയുടെ ഡ്രെയ്പ് ശരിയാക്കണം എന്ന് ആവശ്യപ്പെട്ട് റാഷി ഖന്ന എന്നെ വിളിച്ചു. അവിടെ എത്തിയപ്പോള്‍ സ്ത്രീകളടക്കം 150 ഓളം ആള്‍ക്കാര്‍ അവിടെയുണ്ടായിരുന്നു. അവരില്‍ ആര്‍ക്കെങ്കിലും ഇത് ചെയ്യാവുന്നതേയുള്ളു. എന്നാല്‍ വിളിച്ചു വരുത്തിയതിന് ശേഷം മണിക്കൂറുകളോളം എന്നോട് കാത്തു നില്‍ക്കാന്‍ ആവശ്യപ്പെട്ടു. വലിയ താരമാണ് എന്ന അഹങ്കാരത്തോടെയാണ് പെരുമാറിയത്. അത് എന്റെ ആത്മാഭിമാനം വ്രണപ്പെടുത്തുന്ന രീതിയിലായിരുന്നു. പട്ടാസ് എന്ന ധനുഷ് ചിത്രം ഒരുക്കിയ സംവിധായകന്‍ അനില്‍ രവിപുഡിക്കും റാഷി എന്നോട് അപമര്യാദയായി പെരുമാറുന്ന കാര്യം അറിയാം.
