ലോക്ക് ഡൗൺ ആയതോടെ അടി പതറിയ സിനിമ വ്യവസായത്തിൽ ഓൺലൈൻ റിലീസുകൾ കൊണ്ട് പണമുണ്ടാക്കിയ വ്യക്തിയാണ് റാം ഗോപാൽ വർമ്മ. ക്ലൈമാക്സ്, നേക്കഡ് തുടങ്ങിയ ചിത്രങ്ങളുടെ ഓൺലൈൻ റിലീസിലൂടെ പണം വാരിയ റാം ഗോപാൽ വർമ്മ തന്റെ മൂന്നാമത്തെ ചിത്രവുമായി എത്തിയിരിക്കുകയാണ്. പവർ സ്റ്റാർ എന്ന് പേരിട്ടിരിക്കുന്ന ചിത്രം സൂപ്പർതാരം പവൻ കല്യാണിനെ കുറിച്ചുള്ള ഒരു സറ്റയർ ചിത്രമാണ്. ചിത്രത്തിന്റെ ട്രെയ്‌ലറിന് പെയ്‌ഡ്‌ റിലീസാണ് RGV പ്ലാൻ ചെയ്‌തിരുന്നത്‌.
എന്നാൽ വിചാരിച്ച പോലെ കാര്യങ്ങൾ നടന്നില്ല എന്ന് മാത്രമല്ല, ട്രെയ്‌ലർ ലീക്ക് ആവുകയും ചെയ്‌തു. എന്നാൽ അതും ആർ ജി വിയുടെ കുതന്ത്രം ആണോയെന്ന് സംശയം ഇല്ലാതില്ല. ട്രെയ്‌ലർ ലീക്കായിയെന്ന് പറഞ്ഞ് റാം ഗോപാൽ വർമ്മ തന്നെ യൂട്യൂബിലൂടെ ട്രെയ്‌ലർ പുറത്ത് വിട്ടിരിക്കുകയാണ്.
ആര്‍ജിവി വേള്‍ഡ് തീയറ്റര്‍ എന്ന സ്വന്തം ആപ്പ് വഴിയാണ് രാം ഗോപാല്‍ വര്‍മ്മ ഇപ്പോള്‍ സ്വന്തം സിനിമകള്‍ പ്രദര്‍ശിപ്പിച്ചുകൊണ്ടിരിക്കുന്നത്. അഡൾട്ട് മൂവി സ്റ്റാര്‍ മിയ മള്‍കോവ അഭിനയിച്ച ക്ലൈമാക്സ് എന്ന എന്ന ചിത്രത്തിന് 100 രൂപയായിരുന്നു ഈടാക്കിയതെങ്കില്‍ പിന്നാലെ എത്തിയ ‘നേക്ക്ഡി’ന് 200 രൂപയും ഈടാക്കി.
