ആക്ടിവിസ്റ്റ് എന്ന നിലയിലും ബോൾഡ് കഥാപാത്രങ്ങളിലൂടെയും ഏറെ ശ്രദ്ധ പിടിച്ചു പറ്റിയ നടിയാണ് റിമ കല്ലിങ്കൽ. നിദ്ര, 22FK തുടങ്ങിയ ചിത്രങ്ങളിലെ പ്രകടനങ്ങൾ സിനിമ രംഗത്ത് റിമയ്ക്ക് ഒരു സ്ഥാനം നേടി കൊടുത്തിട്ടുണ്ട്. നർത്തകി കൂടിയായ റിമ സംവിധായകൻ ആഷിഖ് അബുവിന്റെ ജീവിത പങ്കാളിയാണ്. തനിക്കെതിരെ നടക്കുന്ന ഹേറ്റ് ക്യാമ്പയിൻ പി ആർ വർക്കാണ് എന്ന് തുറന്നു പറഞ്ഞിരിക്കുകയാണ് റിമ.
ഹെയ്റ്റ് ക്യാമ്പയിൻ ശരിക്കും പി.ആര്‍ വര്‍ക്കാണല്ലോ. അപ്പോഴാണ് ഒരു കാര്യത്തെക്കുറിച്ച്‌ കൂടുതല്‍ ചര്‍ച്ചകളുണ്ടാവുന്നത്. ഇനി എത്ര ഹെയിറ്റ് ക്യാമ്പയിൻ ഉണ്ടായാലും ലോകം പൊട്ടിത്തെറിച്ചാലും ഒരാള്‍ക്കെങ്കിലും ഞാന്‍ പറയുന്നതിനെപ്പറ്റി തുറന്നു സംസാരിക്കാനായെങ്കില്‍ അതുമതി. സോഷ്യല്‍ മീഡിയയില്‍ നിന്നും എനിക്ക് സ്‌നേഹവും പിന്തുണയും ലഭിക്കുന്നുണ്ട്. അത് തരുന്ന ശക്തി ഈ നെഗറ്റീവിറ്റിയെ മറികടക്കാന്‍ സഹായിക്കാറുണ്ട്. ഞാൻ പങ്കുവയ്ക്കുന്ന വാക്കുകള്‍ക്കും കാഴ്ചപ്പാടുകള്‍ക്കും മൂര്‍ച്ചയുണ്ടാകാം എന്നാല്‍ അതില്‍ മാന്യത കാത്തു സൂക്ഷിക്കാറുണ്ട്. താന്‍ പറഞ്ഞ കാര്യങ്ങളുടെ ഒരു ബൈപ്രൊഡക്‌ട് ആയി മാത്രമേ വിവാദങ്ങളെ കാണാറുള്ളു. താന്‍ പറയുന്നതും ചെയ്യുന്നതുമായ കാര്യങ്ങളില്‍ തന്നെ സ്വയം അവതരിപ്പിക്കുകയാണ് അതില്‍ വെള്ളം ചേര്‍ക്കാന്‍ ഉദ്ദേശിക്കുന്നില്ല.
