ലാൽ ജോസ് സംവിധാനം ചെയ്ത മീശമാധവൻ എന്ന ചിത്രത്തിലെ സൂപ്പർ ഹിറ്റ് ഗാനമായ “ചിങ്ങമാസം വന്നുചേർന്നാൽ” ആലപിച്ചു കൊണ്ട് സിനിമാ രംഗത്തേക്ക് കടന്നു വന്ന വ്യക്തിയാണ് റിമിടോമി. തന്റെ സംസാര ശൈലി കൊണ്ടും അഭിനയം കൊണ്ടും ഗാനം കൊണ്ടും ഏറെ ശ്രദ്ധ നേടുവാൻ റിമി ടോമിക്ക് സാധിച്ചു. അവതാരികയായി ഇന്ന് പല ടിവി പ്രോഗ്രാമുകളിലും തിളങ്ങുകയാണ് താരം. ജയറാം നായകനായ, കണ്ണൻ താമരക്കുളം സംവിധാനം ചെയ്ത തിങ്കൾ മുതൽ വെള്ളി വരെ എന്ന ചിത്രത്തിലൂടെയാണ് റിമി ടോമി നായികയായി അരങ്ങേറ്റം കുറിച്ചത്.
തന്റെ ഒഫീഷ്യൽ യൂട്യൂബ് ചാനലിലൂടെ കുടുംബത്തോടൊപ്പമുള്ള സന്തോഷകരമായ മുഹൂർത്തങ്ങൾ പങ്കുവയ്ക്കുകയാണ് താരം. മനോഹരമായ ഒരു ഓണപ്പാട്ടോട് കൂടി ആണ് ആഘോഷങ്ങൾ ആരംഭിച്ചത്. അതീവ സുന്ദരി ആയിട്ട് ആണ് റിമി എത്തിയത്. അമ്മ റാണിയേയും സഹോദരി റീനുവിനെയും റീനുവിന്റെ മകനായ കുട്ടാപ്പിയെയും റിമി വീഡിയോയിലൂടെ പരിചയപ്പെടുത്തുന്നു. റിമിയുടെ പാട്ടിനൊപ്പം അമ്മയായ റാണി ചുവടുവെച്ചു. ഇതും ആരാധകർക്ക് ഏറെ ആവേശമായി. റിമിയുടെ അമ്മയെ ഇതിനുമുൻപ് ആരാധകർ കണ്ടിട്ടില്ലെങ്കിലും പല വേദികളിലും റിമി അമ്മയെ കുറിച്ച് സംസാരിച്ചിട്ടുണ്ട്. റിമിക്ക് ഉള്ള പ്രസരിപ്പും എനർജിയും അമ്മയിൽനിന്നും ലഭിച്ചതാണെന്നും ആരാധകർക്ക് ഉറപ്പാണ്.
