കഴിഞ്ഞ ദിവസം നടന്ന തദ്ദേശ തിരഞ്ഞെടുപ്പിൽ വിജയം കരസ്ഥമാക്കിയ ഇടതുമുന്നണിക്ക് അഭിനന്ദനങ്ങളുമായി സംവിധായകൻ റോഷൻ ആന്‍ഡ്രൂസ് എത്തിയിരിക്കുകയാണ്, തന്റെ ഫേസ്ബുക്ക് പേജിൽ കൂടിയാണ് റോഷൻ അഭിനന്ദനങ്ങൾ അറിയിച്ചത്, അദ്ധ്വാനിക്കുന്നവന്റെ തത്വശാസ്ത്രത്തെ തോൽപ്പിക്കാൻ സാധിക്കില്ലെന്നും, സാരഥിയുടെ കരങ്ങളിൽ തേര് സുരക്ഷിതമാണെന്നും റോഷൻ പറയുന്നു.
റോഷൻ റോഷൻ ആന്‍ഡ്രൂസിന്റെ വാക്കുകൾ
അഭിനന്ദനങ്ങൾ
അറിയാമായിരുന്നു….. പേമാരിയിൽ മങ്ങുന്ന നിറമല്ല ചുവപ്പെന്ന്.
അറിയാമായിരുന്നു…. അദ്ധ്വാനിക്കുന്നവന്റെ തത്വശാസ്ത്രത്തെ തോൽപ്പിക്കാനാവില്ലെന്ന്
അറിയാമായിരുന്നു….. മലയാളിക്ക് മറക്കാവുന്നതല്ല ദുരിതകാണ്ഡങ്ങളെ നേരിട്ടപ്പോൾ ഒപ്പം നിന്ന് പകർന്ന ധൈര്യമെന്ന്
അറിയാമായിരുന്നു…. സാരഥിയുടെ കരങ്ങളിൽ തേര് സുരക്ഷിതമെന്ന്
അറിയാമായിരുന്നു…
ഈ ചെങ്കോട്ടയുടെ കരുത്ത്
ഈ കൊടിയടയാളത്തിലെ സത്യം
ഈ ചുവപ്പൻ വിജയം!
