ഉപ്പും മുളകും എന്ന പരമ്പര പോലെ തന്നെ പ്രേക്ഷകപ്രീതി നേടിയ പരമ്പരയാണ് മഴവില്‍ മനോരമയില്‍ സംപ്രേഷണം ചെയ്യുന്ന തട്ടിയും മുട്ടിയും. സ്വാഭാവിക അഭിനയത്തോടെ താരങ്ങള്‍ ആരാധകരുടെ ഹൃദയത്തില്‍ കയറിപ്പറ്റിയത് വളരെ ചുരുങ്ങിയ സമയംകൊണ്ടാണ്.സീരിയലിലെ പ്രധാനപ്പെട്ട കഥാപാത്രം മീനാക്ഷി പരമ്പരയില്‍ നിന്ന് പിന്മാറിയതായി വാര്‍ത്തകള്‍ വന്നിരുന്നു. താരം വിദേശത്ത് പഠനത്തിന് പോവുകയാണെന്ന് മഞ്ജുപിള്ള ഇന്‍സ്റ്റഗ്രാമില്‍ കുറിച്ചിരുന്നു. മീനാക്ഷിയുടെ ഭര്‍ത്താവ് ആയി എത്തിയ ആദിയുടെ അഭിമുഖമാണ് സോഷ്യല്‍ മീഡിയയില്‍ വൈറലാകുന്നത്. ആദിശങ്കരന്‍ കഥാപാത്രത്തെ അവതരിപ്പിച്ചത് തൃശൂരുകാരനായ സാഗര്‍ സൂര്യന്‍ ആണ്. മീനാക്ഷിയുടെ ഭര്‍ത്താവായി വന്ന് പ്രേക്ഷക ഹൃദയങ്ങള്‍ കീഴടക്കാന്‍ ആദിയിക്ക് വളരെ ചുരുങ്ങിയ സമയം കൊണ്ട് സാധിച്ചിരുന്നു. ഇപ്പോഴിതാ മിനിസ്‌ക്രീനില്‍ നിന്നും സിനിമയിലേക്ക് കാലെടുത്തു വെച്ചിരിക്കുകയാണ് സാഗര്‍. തട്ടിംമുട്ടിയില്‍ എത്തിയത് ജീവിതത്തിലെ ഒരു പ്രധാനപ്പെട്ട വഴിത്തിരിവായിരുന്നു എന്ന് താരം പറയുകയാണ്.
ഏതൊരു പുതിയ കഥാകാരനും ആഗ്രഹിക്കുന്നത് പോലെ തന്നെയാണ് തനിക്ക് അവസരം ലഭിച്ചതെന്നും സീനിയറായ കുറെയധികം ആര്‍ട്ടിസ്റ്റുകള്ക്ക് ഒപ്പമാണ് തനിക്ക് തുടക്കം കിട്ടിയതെന്നും സാഗര്‍ പറയുന്നു. അഭിനയം ജീവിതമാര്‍ഗമായി കൊണ്ടു പോകാനാണ് താല്‍പ്പര്യമെന്നും മികച്ച അവസരങ്ങള്‍ക്ക് വേണ്ടി താന്‍ കാത്തിരിക്കുകയാണെന്നും സാഗര്‍ കൂട്ടിച്ചേര്‍ത്തു.
